> ## Content Index > Fetch the complete content index at: https://200ok.babilabs.com/llms.txt > Use this file to discover other available public pages before exploring further. # 石垣島海灘｜🏖️底地ビーチ - URL: https://200ok.babilabs.com/ishigaki-sukuji-beach/ - Published: 2026-08-16T03:53:48.000Z - Updated: 2026-08-19T12:44:35.000Z - Author: 霸豬 - Tags: 石垣島, 旅遊 呢日去咗海灘游水，揀咗去底地ビーチ。我哋食完[早餐](https://200ok.babilabs.com/ishigaki-tofu-higa/)過嚟呢邊，都算晏㗎啦8點到，已經有啲人喺海灘游緊早水。 [石垣島美食｜とうふの比嘉話說某人好鐘意食豆腐（？）我都好鐘意食豆腐料理，所以喺plan行程嘅時候見到有呢間超人氣嘅豆腐料理店就馬上bookmark咗。聽聞係要倒屎咁早去到先有得食，我哋6點半去到都已經遲咗啦（雖然google map寫佢6點半開門），已經有早一轉嘅客人享用緊早餐！於是我哋等咗大約半小時就有位。去遲少少都冇位泊車呀⋯⋯ 💡請你倒屎咁早就好揸車去，5點鐘起身‼️ 嗌咗兩個套餐： 1\. ざくざく豆腐 2\. 定番！ゆし豆腐セット ざくざく豆腐唔係set嚟，所以係冇飯嘅，我哋加咗個小碗飯。明太子醬加埋紫菜，鹹鹹哋同嗰種鮮味，夾埋個清淡嘅豆腐，味道剛剛好！ゆし豆腐係未經壓實成形嘅豆腐嚟，所以佢唔會好似啲豆腐磚咁樣咁實，反而係鬆鬆軟軟又好滑溜，好似豆腐花咁。呢個ゆし豆腐嘅豆味好濃郁，而且有少少燶燶哋嘅味道，正常㗎，係ゆし豆腐嘅特質嚟，係一種煙燻焦香味。 而定番！ゆし豆腐セット就更為清淡，基本上都冇咩調味，係啖口好多。但豆味香濃，熱辣辣咁用嚟送飯都好好吃呀。豆漿一樣都係超濃豆香，鐘意豆腐料理嘅人一定會鐘意呢度。 呢個早餐係大滿足！ 題外話：google map又帶我哋抄小路入去，明明有![](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/icon/dayday200OK--b5f944fd-5089-4c70-9883-4a5176b6fe05.png)day day 200 OK!霸豬![](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/thumbnail/dayday200OK--2-a37217e3-e1ea-465f-841d-9808d4078f79.png)](https://200ok.babilabs.com/ishigaki-tofu-higa/) ![](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/08/image-47.png) 搵咗個靚位置就鋪返兩張沙灘毛巾，放低啲嘢同吹漲兩個水泡，就準備跳入大海！ 💡 日本人真係好貼心，準備咗兩個大大個嘅泵氣工具畀你吹返漲啲水泡，位置喺沖涼間旁邊，有個office仔嘅出面。可惜我哋都係玩完水離開先知🤣 仲等我用個勁細嘅氣泵手動打氣打咗成半個鐘⋯⋯ ![帶咗兩張JOGUMAN沙灘毛巾去用，100分](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/08/image-45.png) 帶咗兩張JOGUMAN沙灘毛巾去用，100分 去洗手間嗰陣見到呢張poster，我哋有帶水鞋落水保護返隻腳。比較擔心嘅係會唔會有水母🪼 ![有好多危險嘅海洋生物⋯⋯😶](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/08/image-46.png) 有好多危險嘅海洋生物⋯⋯😶 ![個海嘅顏色超靚！](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/08/image-49.png) 個海嘅顏色超靚！ 啲水都好清好乾淨啊，喺度唔經唔覺就浸水玩水玩咗成三個鐘😆 呢個海灘有得沖身（唔可以用洗頭水同沐浴露，保護海洋啊）每人100円，投入一個小木箱入面。一格有兩個花灑頭🚿，一家大細入去個空間都好夠大，格局好wild好正。 玩完水沖下身個人又涼快咗好多，啲海水又唔會黐黐笠笠咁，爽呀！ ### ｜底地ビーチ 無料駐車場 💡 首先會見到一大個泊車空間，嗰度應該都係可以泊車但係入口冇入少少嘅位置咁方便，會建議揸入少少嗰邊嘅停車場 ![底地ビーチ 無料駐車場](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/08/image-48.png) 底地ビーチ 無料駐車場 ### ｜🏝️ 底地ビーチ