> ## Content Index > Fetch the complete content index at: https://200ok.babilabs.com/llms.txt > Use this file to discover other available public pages before exploring further. # 石垣島｜日落獨木舟🛶 - URL: https://200ok.babilabs.com/ishigaki-sunset-canoe-tour/ - Published: 2026-08-18T11:38:45.000Z - Updated: 2026-08-19T12:43:20.000Z - Author: 霸豬 - Tags: 石垣島, 旅遊 見啲tour好多都大推日出/日落獨木舟，其實都好想去哂因為一定可以見到唔同嘅景色，不過又好似太過貪心，所以喺石垣島我哋揀咗去日落獨木舟。 集合時間係傍晚6點，係石垣島碼頭嘅紅色郵筒等。超級多人等候🤣 然後我哋個guide就嚟接我哋出發去玩了。今次着好泳衣，拎支水就已經可以出發。tour guide本來直接揸車去目的地，不過同團有一個朋友玩SUP，所以要返一返去adventure pipi office度拎返支槳。之後就直奔宮良川のヒルギ林！ ### ｜宮良川のヒルギ林 去到停車場就着返啲助浮衣同埋拎返支槳，adventure pipi有準備咗啲marine shoes 畀大家換，不過我哋帶咗自己嗰對（低筒），有問guide着唔着得。佢都有少少hesitate不過話okay冇問題。事後先醒起以前玩艇都係着高筒水鞋啊⋯⋯！ 💡 建議換佢哋嘅鞋，保護性強啲。佢哋提供嘅水鞋係包到上腳眼再高啲，同個底都好鬼厚身。去完呢個紅樹林area之後就知道啲水底實在會隱藏好多石頭、大大條樹枝，仲要好鋒利又尖，整傷就唔好了。（touchwood 今次冇事） 跟住行小段路落樓梯去拎隻獨木舟。因為係紅樹林度玩嘅關係，啲獨木舟都係哂泥🙂‍↕️ tour guide小哥嘅做法就係反轉隻艇一半入啲水沖下佢，我都有樣學樣不過隻艇有啲重⋯⋯ 兩個人一隻獨木舟，本來以為係一人一隻。於是就出發慢慢咁划出去海！ ![](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/08/image-58.png) 不過今日太多雲了，只見日落嘅光輝，但係一路划出去一路吹風個感覺真係超爽。有少少🤏失望嘅係集合咗大家係個沙灘邊度然後又唔知下一步做啲咩，大家只係企哂係度等待，其實唔知係咪都可以自己喺隻艇度再划多兩下。不過就見到啲水流好似有啲急嘅，可能因為係咁所以就叫哂大家靠哂岸睇日落就好了。 話說划划下見到水面有舊波波咁嘅嘢，仲要上面有好多海草包住，係度游仲要游勁快，眼見隻艇就快貼近佢嘅時候都真係有啲驚，好彩最後駛離咗。我以為我眼花，但朋子都話係見到嗰粒不知明物體游勁快。有上網搵過啲紅樹林都會有鱷魚，不過應該唔係掛？再搵下話有可能係啲澤龜⋯⋯hmm 回程嘅時候都見到佢⋯⋯ 係個沙灘hea咗陣就上返隻艇划返去了～回程嘅時候順風所以唔洗畀力都去勁快，爽。 ### ｜Tour 資訊 [★夏季特別優惠【石垣島】可當日預約！沉浸於茜紅夕陽之中！黃昏日落獨木舟之旅＜附免費拍照服務及接送＞（No.333） | 石垣島旅遊石垣島的河流和海洋非常平靜，非常適合在獨木舟上觀看日落♪獨木舟非常穩定，您可以舒適地欣賞日落♪與愛人或家人在獨木舟上享受寧靜的日落♪您將感受到結束石垣島一天旅行的最佳時刻。![](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/icon/cropped-favicon-270x270-106f211b-b0e9-42a4-85e6-08783b297560.png)石垣島旅遊。石垣島旅遊。![](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/thumbnail/IMG_0432-1-7cb6bc7f-60ae-4ec9-9cd1-a577917d6f65.jpg)](https://ishigaki-tours.com/zh%5Ftw/plan/kayak333?ref=200ok.babilabs.com) 💡 ****石垣島 Adventure PIPI - 黃昏日落獨木舟之旅(No.333)** 付款方式：網上／當地付款（今次呢團收credit card） 收費：成人 7,900円 小童 6,900円