> ## Content Index > Fetch the complete content index at: https://200ok.babilabs.com/llms.txt > Use this file to discover other available public pages before exploring further. # 四國 高知｜屋形船 四万十の碧 - URL: https://200ok.babilabs.com/shikoku-kochi-shimanto-river/ - Published: 2026-11-01T01:58:21.000Z - Updated: 2026-11-01T02:08:20.000Z - Author: 霸豬 - Tags: 四國, 四萬十 四萬十川係「日本最後的清流」，都真係幾好奇點解得佢會有咁嘅美譽。日本都有好多條清澈嘅河川呀？亦有好多人話去得四國真係要去埋呢度睇，所以想一探究竟！ ### ｜四萬十川與「沉下橋」嘅歷史小故事 📜 原來早喺日本經濟高速成長時期，全國絕大部分主要河川都起咗大型水壩作水力發電或者蓄水，唯獨全長 196 公里嘅四萬十川本流，一條大型綜合水壩都冇起過🙂‍↔️ 因此佢完好保留咗最原始嘅河川生態。而四萬十川最具標誌性嘅，一定係橫跨河面嘅「沉下橋」。呢啲低矮結實嘅橋係水位上漲嘅時便會沉入水中，並無欄杆設計，令到水入面嘅流木等等雜物可以直接流過，而唔會被橋樑卡住。呢種橋體結構唔會阻礙水流，因此能夠減少河水對兩岸嘅侵蝕，亦令到橋樑唔容易被洪水沖垮。 古人嘅智慧確實令人震驚，佢哋好識順應自然，搵出最合適嘅方法對抗大自然為生活帶嚟嘅災害及確保生命財產安全。雖然而家科技發達，但似乎人類對抗大自然嘅方式愈嚟愈硬碰硬⋯⋯淨係近幾排睇到好多天災嘅新聞都真係令人心酸。 --- 帶住兩老梗係想搵啲舒舒服服、零體力消耗嘅方式飽覽四萬十川嘅絕景，坐屋形船會係一個好嘅選擇呀。係Activity Japan做咗預約（無包餐飲的～），選擇當地付款。 💡 [Activity Japan 屋形船 四万十の碧](https://zh-cht.activityjapan.com/publish/feature/2225?ref=200ok.babilabs.com) （無包餐飲） 大人 JPY 2,000 小朋友 JPY 1,000 可線上付款或當地付款 ### ｜🚗 交通 自駕 如果你係揸車前往的話，請跟從官方建議嘅路線，經國道441再接一小段縣道340前往屋形船 四万十の碧。由於我喺四万十 montbell 出發，以下嘅路線圖就係當日我由montbell 去屋形船嘅路徑。起初做功課嗰陣都有啲擔心縣道340會唔會真係好窄同險要，不過實情係除咗有一小段路係較窄（單線雙程），基本上都會有雙程路段可以行的。喺呢段路安全駕駛係冇問題的。 ![屋形船 四万十の碧 揸車路線](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/Screenshot-2026-10-31-at-11.34.57.png) 屋形船 四万十の碧 揸車路線 ### ｜🅿️ 停車場 屋形船 前其實都有少量嘅車位，但係我都預咗會畀人泊哂所以一開始都鎖定目標去呢個位度泊車。地圖搵唔到有個標記，但係如果跟官方嘅揸車路線，佢喺到達屋形船前一定會經過見到，會喺左手邊。 ![屋形船 四万十の碧 泊車](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/Screenshot-2026-10-31-at-11.32.16.png) 屋形船 四万十の碧 泊車 當日去到同職員講喺Activity Japan 預約咗之後就付款，然後佢會指示你坐低等等，去個洗手間之後就會去乘船場落船。 ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/3-2.jpg) 屋形船 四万十の碧 ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/2-1.jpg) 屋形船 四万十の碧 喺呢度搭船～ ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/5-2.jpg) 屋形船 四万十の碧 船嘅內部，坐tatami的，要先除鞋才可以內進。船內部好寬闊，空間好大好舒服。 ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/6-2.jpg) 屋形船 四万十の碧 真係實在太好天，喺四國旅行期間日日都勁好天！感恩！ ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/7-2.jpg) 屋形船 四万十の碧 ![四万十川 三里沉下橋](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/8.jpg) 四万十川 三里沉下橋 ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/9.jpg) 屋形船 四万十の碧 ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/10.jpg) 屋形船 四万十の碧 ![屋形船 四万十の碧](https://storage.ghost.io/c/fd/b2/fdb2159e-3755-4640-b47e-46ee4e71db38/content/images/2026/10/4-2.jpg) 屋形船 四万十の碧 喺呢個川流度搭船仔慢慢睇景又要咁好天真係一大享受嚟呀！ --- ### ｜屋形船 四万十の碧 🕐 營業時間：08:30～16:30（全年無休）出發時間可以參考佢哋嘅官網 💰 門票：大人 JPY 2,000 / 小童 JPY 1,000 / 幼兒免費（可網上預約/現場購票，如需預約特定班次或享用便當可先於官網預約） 🌐 官方網站：[https://www.shimanto-ao.com/](https://www.shimanto-ao.com/?ref=200ok.babilabs.com) 🔗 其他參考網站：[https://visitkochijapan.com/zh\_TW/activities/10153](https://visitkochijapan.com/zh%5FTW/activities/10153?ref=200ok.babilabs.com) ⚠️ 注意事項：船艙內需脫鞋入內；落雨天船窗會拉上防雨簾如常開船，但如遇暴雨導致河流水位過高或水流過急，船家會基於安全考慮臨時停航，出發前建議先睇官網通知或致電確認