食用矽藻土防蟲
因為搵到隻衣魚係琴室，有啲擔心其實會唔會仲有其他呢？即日已經將啲琴書逐一檢查但好彩冇任何發現，亦馬上將個琴室清潔一次以求安心。
但諗諗下都係為咗長遠唔太擔憂，上網搵下究竟可以點樣處理防蟲呢個問題（唔想我個鋼琴寶寶有咩事！！！）雪松木有天然嘅驅蟲效果，馬上買咗幾舊雪松木返嚟，再加埋iHerb入手咗兩支雪松精油加強效果。另外豬咪咪竟然推薦食用矽藻土，用支小掃子喺個地毯邊掃少少落去防蟲。究竟係咩原理？
｜食用級矽藻土（DE粉）殺蟲原理：真的完全無害嗎？
💡
食用級矽藻土（Diatomaceous Earth，簡稱 DE 粉）的殺蟲原理完全是物理性的機械磨蝕與吸附作用，不含有任何化學毒藥。簡單來說，它是透過讓害蟲「割傷外殼並吸乾水分」而脫水死亡。
Source: 好爸爸專家
Source: 好爸爸專家
原來係咁⋯⋯ 唔怪得見threads 都有人話如果屋企有種嘢嘅話可以用呢個食用矽藻土除蟲，亦唔怕寵物會受傷害。雖然食用級無化學毒性，但因為粉末好幼細，掃地毯邊時要避免揚起粉塵，亦唔好畀寵物即刻行埋去聞或吸入呼吸道。
｜琴室防衣魚的最佳對策：雪松木與 50-55% 濕度控制
本身諗住喺iHerb度買包返嚟試下，但始終矽藻土嘅微觀結構非常堅硬且具磨蝕性，有啲擔心啲粉塵會破壞咗部琴嘅表面同埋內部機械零件等等。朋子話既然都做咗一次大清潔，又有雪松木幫手驅蟲，再加上琴室有抽濕機，關鍵係控制室內濕度穩定喺 50-55%，令衣魚因乾燥而無法繁殖生存。同時呢個濕度都係保護鋼琴木材、音板及琴膽嘅最佳理想濕度，一舉兩得啦。一於觀察下先再落下一步。
So far 未有再見到啲蟲蟲⋯⋯ 都安心啲⋯⋯ 🙂↕️