家居好物
冷氣機空氣濾網
裝咗個新冷氣諗住屋企仲未整好應該都好大塵，所以諗住買啲空氣濾網嚟到隔多隔。本來想買呢隻3M靜電空氣濾網用，但係$250卷真係有啲太貴了⋯⋯ 有見到有另一款幾張嘅諗住都係用住先，但係喺日本城（改唔到口啦）搵唔到。但佢個online shop又話嗰間分店有貨 😗 最後係間鋪度行多幾個圈發現到有呢卷清貨大平賣made in taiwan嘅替代品 即刻幫部冷氣貼返個濾網，希望有多一層過濾阻隔到啲微塵啦！！
霸豬
Live a life you will remember.
石垣島
石垣島🍦｜ミルミル本舗 本店 睇日落
搵咗好一陣子睇日落秘景，諗住揸車過去啲灯台之前想要去埋ミルミル本舗食雪糕，所以喺佢收鋪之前（19:00）去到。呢日嘅日落係19:45所以時間好充足。 要咗兩球，一個係島豆腐口味，另一個係シークヮーサー sorbet（沖繩香檸）。島豆腐好香濃嘅豆味，仲有個口感都好特別，係有啲好似豆腐咁樣嘅一粒粒！シークヮーサー就好清新嘅味道，甜而不膩，不過我會想食多幾杯島豆腐嘅味道😆 因為我哋到達嘅時間其實都差不多6點半，所以個太陽其實都係落緊山。我哋坐坐下發現其實鋪頭出面嘅大草地都係一個唔錯嘅睇日落地方！ 最後灯台就冇去啦，喺呢度靜靜咁樣望住個日落放空都咪話唔爽。大腦🧠放鬆咗。 ｜ミルミル本舗 本店 🕐 基本上每日都係開 10:00～19:00 官方網站
日常
yumyum🍗｜鰹烏冬
超juicy嘅骨付鳥🍗 上次係長沙灣鋪食過一次覺得好正，今次喺佐敦鋪再食 :D 嗌咗兩個烏冬同啲小食埋單都係$185 💰夏一烏冬(冷)＋骨付鳥＋柚子竹簾烏冬(冷)＋流心蛋＋飛魚籽凍豆腐 total $185 隻雞脾今次依然都係好juicy又超嫩滑，啖啖肉真係好正！ 柚子烏冬配埋個甜甜哋酸酸哋嘅汁，夏天食落好refreshing，啲烏冬又彈牙好吃。夏一烏冬都好出色，個汁酸酸的好開胃，食落會係咁想繼續食。最好笑我哋拎餐嗰陣聽到佢哋有外賣單，張單係要4個夏一烏冬🤣 以為呢一日未食蛋所以嗌咗蛋汁濃郁嘅流心蛋，但後尾醒起晏晝其實食咗雞蛋蒸豬肉🤣 而飛魚籽凍豆腐就舊豆腐幾滑溜，然後就諗起石垣島沖繩嘅ゆし豆腐⋯⋯ 要記低食過啲咩⋯⋯陣間又畀人話我咩都唔記得😖 推薦推薦～
家居好物
煤氣煮食爐具｜TGC MEGA-i2 嵌入式雙頭煤氣煮食爐
話說家裏大裝修，好多家具都需要更換了，其中要換嘅係煮食爐具。一睇⋯⋯原來啲煮食爐具係唔平（食咪唔知米貴⋯⋯）。呀媽話以前林內牌都係好耐用，唔知而家仲有冇呢？上網搵過下資料，而家煤氣公司都唔代理㗎啦，但係又搵到啲有趣嘅嘢，就係煤氣公司賣啲爐都有機會係林內廠造，睇咩型號啦。(Ref 1 / Ref 2) 今次我哋要買嘅係呢個 TGC MEGA-i2 嵌入式雙頭煤氣煮食爐 查了一下豬咪咪 再到實體店看看⋯⋯噢，是RINNAI CORP MIJ 放心購物 :D
東京
東京 羽田機場｜Terminal 3 Coin Locker 位置及過夜體驗 Omotenashi Center（おもてなしセンター） Lockers
今次因為飛 06:35 ，如果book 酒店又唔係平，瞓得幾個鐘又起身，決定都係去 泉天空の湯 羽田空港 過晚夜。由於個溫泉係禁止攜帶行李箱或滾輪行李入內，所以要去搵coin locker 放低個喼先。 喺 2/F Omotenashi Center（おもてなしセンター）後面有一堆locker，但因為太方便，基本上下層嘅locker 好快就爆滿 得返啲上層嘅locker。今次個喼唔知做乜鬼成 20KG（明明冇乜點買嘢！），冇可能咁樣推上去上層locker。於是搭咗就近嘅電梯落下一層 1/F，行前兩個走廊左右就會見到一堆lockers。嘿嘿⋯⋯冇人嚟擺喼，下層全吉，放低個喼就即刻衝去浸溫泉♨️瞓覺 。 男女湯出面有好大嘅area休息，有長椅可以休息瞓覺，但勁快畀人坐哂哈哈。近岩盤浴嗰邊都有得躺平休息，但係似啲岩石嚟（又未貼住地面），有個cushion 挨下。 喺近溫泉嗰邊搵到張長椅，不過我就太醒瞓，有好多人喺後面行嚟行去（因為後就係溫泉嚟）
家居好物
冷氣機｜開利 Carrier CHK09EX 變頻淨冷遙控窗口式冷氣機 1匹
一開始就打算繼續使用開利，以前都一直用開，覺得都幾唔錯。但應該係因為定頻機，導致部機到達指定溫度之後停止運作一段時間，再次啟動嘅時候就會變得超嘈，會有"轟"一下嘅噪音，都影響睡眠啊⋯⋯我太醒瞓了。 為咗搵部好少少嘅冷氣機，做了少少資料搜集。 Carrier 開利CHK09EX 變頻淨冷遙控窗口式冷氣機 1匹 搵咗豬咪咪幫我總結下啲評價，感覺上不錯欸 💡 4大實用功能亮點 * 📱 智能 App 遙控： 內置 Wi-Fi，支援手機 App 控制。放工前可以遙距開定冷氣，半夜想調較溫度亦唔使摸黑搵遙控，更可自訂「睡眠溫度曲線」。 * ❄️ 一鍵自潔功能： 備有 Active Clean「雪凝洗」功能，透過結霜、溶雪過程將機內灰塵洗淨吹乾，自己搞掂日常深度清潔。 * 🍃 空氣淨化： 機身會釋放正負離子，配合三合一納米防塵網，吹出嚟嘅風乾淨無噏味，對鼻敏感人士特別友好。 * 🛡️ 雙重防銹保護：
日常
chiikawa 人魚島的秘密
今日去咗睇ちいかわ 人魚の島のひみつ⋯⋯我冇特別留意套戲嘅影評，只係諗住不如去睇下戲輕鬆下。入戲院前朋子話呢套係恐怖片嚟，我話chiikawa喎⋯⋯恐怖片？_？好啦而家睇完就明點解係恐怖片 D: 【有劇透】覺得有啲五味雜陳，賽蓮點解要食島民係為咗搵出犯人，而個所謂犯人又做咗啲咩呢？就係食咗賽蓮其中一條小人魚。但事情點解有條人魚仔被吃了，係因為有一日呢幾條人魚喺海度玩魷魚當波踢，而有兩個島民（睇啲人稱佢哋為一葉二葉）喺度釣緊魚嘅期間，其中一個島民畀呢條賽蓮意外整到重傷，而個另一個島民醒起曾經睇過本書知道傳說中食人魚係可以得永生，於是為咗救另一半而誘拐󠄆咗條小人魚，煮咗嚟吃。重傷嘅島民吃咗人魚肉後就返生了，但係諗起自己會變成永生而其他人會因為老去而離開佢，佢就逼埋自己嘅另一半都要食呢個人魚肉，等大家都永遠在一起。故事去到最後話有彩蛋，唔寫出嚟了，睇完真係覺得呢個劇場版好黑暗有啲怕怕 D: 💡誰是誰非？邊個罪有應得？ 呢個真係靈魂嘅拷問嚟。但喺我角度睇件事就係，賽蓮冇自省。本來大支嘢咁向島民做伸手黨蝦蝦霸霸咁已經睇唔順眼，加上島民要吃咗條人魚仔都係因為佢所謂嘅"意外"整傷咗島民而引
沖繩
沖繩名護住宿｜New Normal Hotel in NAGO
想記錄下呢間住宿因為對我嚟講有啲驚喜。 喺入住前一日有email通知成個self-serve check-in流程，去到嘅時候唔洗擔心冇位泊車因為酒店門口有好大地方同好多車位。 至於間房呢⋯⋯有個廚房仔，有煮食用具同餐具，隔離有個雪櫃仔（sorry冇相⋯⋯下次去旅行真係要有返個習慣影下間房⋯⋯）又咁啱屋企大裝修，睇咗好多家電而認識咗個日本品牌叫林內，然後就見到呢間酒店入面有Rinnai 熱水爐 🤣 最令我驚喜嘅係，廁所竟然有洗衣機同乾衣機，乾衣機又係林內，想講佢乾衣真係乾得好透！💯 （hmm 又係冇影相⋯⋯ 得部洗衣機⋯⋯） 只係因為我好鐘意洗衫 D: 於是好好利用咗佢哋洗咗我哋啲泳衣呀大毛巾等等。整體都算乾淨企理，下次再嚟名護都會想book返呢度 👍🏽 ｜New Normal Hotel in NAGO/ニューノーマルホテルイン名護 💡💸 around $700一晚 (booked via OTA) 📍〒905-0011 沖縄県名護市宮里949番地 官方網站
石垣島
石垣島租車｜Grand Rental Car Ishigaki Okinawa グランドレンタカー石垣島店
今次揀咗啲local嘅細租車公司，一嚟租車平啲，二嚟想試下呢啲細少少嘅租車公司。不過呢間租車公司唔係喺機場，而係近搭船嘅terminal。一開始我哋只係打算租2-3日，但後尾先決定租哂6日。所以落機之後就搭巴士出石垣島市區，去咗酒店放低行李之後先再去拎車。 啲車都算新淨，店主好友善哦！不過因為之前有多次嘅改動所以中間可能有嘢miss咗，我哋揀咗喺terminal等候接送，但店主以為我哋自己前往，聯絡後店主好快就揸車嚟搵我哋了！感謝🙏 第一次揸呢啲K-car 感覺新鮮，有啲唔太習慣呢款車嘅睇位，但揸揸下都還好。 但有一日發現好似愈嚟愈多蟻嘅出現，有啲擔心架車係咪有個蟻巢喺度。問咗豬咪咪其實有可能係因為颱風關係啲蟻為咗搵個安全嘅地方，而咁啱架車泊咗喺佢哋個巢度，所以入咗架車住。聯絡咗店主之後佢哋都話應該係因為颱風關係，可以同我哋換部車。我哋都去咗MaxValu買咗啲蟻藥滅咗部份蟻先。第二日朝早就去咗換車。我哋去到個車場都明白點解會有蟻 - 因為泊車嘅地方係喺正啲草皮上面 🤣 最後一日還車時間預咗19:30，店主已經收咗工，所以叫我哋泊喺店舖嘅門口同放返條鎖匙落個postbox度
石垣島
石垣島居酒屋｜炭火焼屋台 膠
即係咁，我向來都對食冇乜好大要求，一個lawson 七仔嘅鹽味飯團都已經可以滿足到我嘅食飽需求 🤣 之但係同重要嘅同行人士旅行就梗係唔可以待薄佢啦，陣間啲嘢唔啱食又餓親佢就大檸樂了。 我比較鐘意係Google Map亂咁㩒啲餐廳嚟睇有咩好食，出發前做計劃嘅時候咁啱見到呢間。本來都不以為意，認為都係一間居酒屋吧，但去到嘅時候真係令人驚喜啊。 首先個門口已經好難搵，佢冇招牌冇任何hints話你知呢間就係你要搵嘅居酒屋。就咁行過只會認為佢係一道唔開得嘅裝飾門嚟 🤣 鋪頭細細，坐位不太多，都係圍住大廚嘅廚房bar枱嚟。鋪頭環境較為暗，未日落都還好都仲有啲太陽光，但一入夜就暗咗好多，都幾有氣氛！坐低後會問你飲咩，每人要嗌一杯，然後大廚會畀個月光寶盒你（超有年代感），入面係hidden menu嚟。呢個presentation方式真係好得意😆。 啲嘢食十分之好吃，所有食物都燒得好有火喉仲好鮮味，仲嗌咗個豬肝炒芽菜，超好吃！ 臨走前去個洗手間，餐廳內有個同前門差唔多樣但要細少少嘅門口就係通往洗手間嘅入口。一打開個門以為自己去咗咩熱帶🌴樹林地方，搵咗陣先搵到個廁所原來喺啲樹堆入面！（
石垣島
石垣島｜竹富島一日遊：交通、悠閒徒步散策
嚟石垣島就一定會出島！首先去竹富島遊覧。因為去竹富島嘅班次比起去其他島嶼較為頻密，大約30～60分鐘就有船由石垣島出發（兩間船公司啲時間係相隔大約30分鐘），所以都冇特別係出發前book定船飛，當日出發先喺terminal售票處購買。 ｜前往竹富島嘅交通 ⛴️乘船地點： 石垣港離島航運中心（ユーグレナ石垣港離島ターミナル）航程時間： 高速船約10～15分鐘 營運船公司： 主要係 安栄観光（Anei Kankou）或 八重山観光フェリー（Yaeyama Kankou Ferry） 船票價格：來回船飛 大人 ¥1,880 細路 ¥990 (as of 9 Aug 2026) 📍ユーグレナ石垣港離島ターミナル 落到地就去咗竹富島ゆがふ館(竹富島ビジターセンター)行咗陣，發現原來呢度有得吸日本の国立公園乃印！呢度吸嘅印係西表石垣国立公園。之前已經吸過1-2個，要喺2027年3月31日前拎哂咁多個印真係有啲難呢⋯⋯沖繩其實可以拎到三個，一個係西表石垣国立公園，另一個係慶良間諸島国立公園（不過冇去到座間味同渡嘉敷，
沖繩
沖繩 Okinawa 2026｜16天chill chill沖繩之旅
辭職後第一次放自己咁長假期，喺日本留多過兩星期都好似係第一次。舊年原本係買咗飛去石垣島，但後來取消咗。不過我認為今年去嘅話個心情應該會比上年去嘅更放鬆同享受 😎 16日話多不多話少又唔少，因為都去咗石垣島＋宮古島＋沖繩本島，唔夠喉就實嘅！今次係第一次探索石垣島同宮古島，而沖繩本島就第二次去，好多地方都未去！要再嚟！簡單介紹一下今次嘅行程安排。今次係以chill chill為主，唔趕行程。亦因為出發前遇上颱風巴威，都咪話唔擔心個旅行會唔會要改期，好彩最後都係順順利利，感恩！🥳 ｜行程簡介 Day 1 * UO858 07:40 * 拎車 - 🚗グランドレンタカー石垣島店 * 石垣市公設市場 * ユーグレナモール * 🍼 炭火焼屋台 膠 Day 2 * 🏝️竹富島、星砂浜 * 🍼 ミルミル本舗 本店 食雪糕＋睇日落 Day 3 * 西表島 バラス島半日遊 * 🍼 八重山そば製麺所×石垣島麺処 Day 4