四國｜高松機場往返高松市區交通

一架利木津巴士直到JR高松站，車程約45分鐘，快靚正。巴士開車時間仲會因應航班landing時間嚟到做小調整，真係好貼心！

一出嚟就會見到個bus ticket machine，可以喺呢度買飛。當日落地後好快就入咗境（個機場比較小哦），拎咗行李之後就極快速出到嚟呢個位置。原本都諗會唔會趕唔切班車呢，結果係OK的！購票過程都係方便快捷，如果太多大紙想唱散喺呢部機買飛順手唱散都係好選擇！

直出機場門口就係搭車嘅地方，高松市内方面（2番のりば）2號乘車處。

架車來了～

到高松駅落車後行多兩步就見到呢個海水池

回程則喺高松站嘅巴士總站3號乘車處等車（高松駅 ３番のりば）。返香港利木津巴士官方建議搭 11:30～11:36之間嘅車（11:30/11:33/11:36），可以喺乘車處隔離嘅售票處買巴士飛。建議早少少去車站等車，因為高松駅係第二個站，JR Hotel Clement Takamatsu都上咗一堆客。如果搭唔到 11:30 都仲可以等後兩班車。嗰日返香港都好彩早咗15分鐘去排隊，條龍勁長，都有大批乘客上唔到11:30班車要等下兩班。