四國 小豆島｜エンジェルロード 天使之路
連島沙洲喺香港都有，最出名橋咀洲啦，馬屎洲啦，之但係其實長洲都係連島沙洲地形景觀。連島沙洲係海岸沉積地貌，原本係兩個小島，又有形成咗個沙咀，經過千萬年日積月累，沙咀不斷延長並最終連接咗兩個島仔。會因應漲退潮變化，連島沙洲通常喺退潮嗰陣先會露出水面，形成一條可行走嘅海上步道。四國小豆島呢個天使之路都係連島沙洲地貌，所以出發前查咗個潮汐漲退表，安排咗下午時間嚟呢度睇睇。
搵下資料先知原來tombolo亦叫做天使之路，仲以為只係小豆島呢邊咁叫😂（孤陋寡聞）
🌟 推薦度：★★★★★
⏱ 是次停留時間：大約 1 小時
🚗 交通：由於我哋住天空ホテル海廬，去酒店放低啲嘢之後都冇特別揸架車落去（上網見話停車場唔洗錢，但係嗰日去見到個個位都係要收錢），行落去都係10多分鐘左右。
｜エンジェルロード 天使之路
出發前排行程都上網睇咗潮汐漲退表再安排時間。我哋下午3點半左右由酒店天空ホテル海廬出發，去到天使之路入口大約係3點45分。啱啱好落入潮退嘅時間～所以可以行過天使之路去對面嘅小島。
但係記得，有潮退就會有潮漲⋯⋯
💡
要睇住鐘數 唔好咁遲先行返埋岸！！！
點解？👇🏽呢個係我行返去嘅情況嚟，條路已經開始浸咗少少🤏 我都要踩水過返岸邊（呢個時候水仲係好淺）。
老豆喺佢浸咗之前已經走咗返岸，仲話再唔走就濕啦！！果然釣開魚見慣大海XD
嚟個前後對比：
因為都晏啦同埋兩老想回酒店休息，所以冇行上去約束の丘展望台。不過睇人哋啲相喺嗰個位睇日落都幾靚，如果有時間嘅去埋呢度都推薦。
｜天使之路 エンジェルロード
- 🕐 開放時間：24 小時自由開放（留意返潮汐漲退時間）
- 💰 門票：免費參觀
- 🌐 官方網站：https://www.town.tonosho.kagawa.jp/kanko/map_pamphlet/3277.html
- ⚠️ 注意事項：出發前務必先查閱每日「天使之路潮汐時間預報表（潮見表）」，避免滿潮時前往只見汪洋大海🌊～