chiikawa 人魚島的秘密
今日去咗睇ちいかわ 人魚の島のひみつ⋯⋯我冇特別留意套戲嘅影評，只係諗住不如去睇下戲輕鬆下。入戲院前朋子話呢套係恐怖片嚟，我話chiikawa喎⋯⋯恐怖片？_？好啦而家睇完就明點解係恐怖片 D:
【有劇透】覺得有啲五味雜陳，賽蓮點解要食島民係為咗搵出犯人，而個所謂犯人又做咗啲咩呢？就係食咗賽蓮其中一條小人魚。但事情點解有條人魚仔被吃了，係因為有一日呢幾條人魚喺海度玩魷魚當波踢，而有兩個島民（睇啲人稱佢哋為一葉二葉）喺度釣緊魚嘅期間，其中一個島民畀呢條賽蓮意外整到重傷，而個另一個島民醒起曾經睇過本書知道傳說中食人魚係可以得永生，於是為咗救另一半而誘拐󠄆咗條小人魚，煮咗嚟吃。重傷嘅島民吃咗人魚肉後就返生了，但係諗起自己會變成永生而其他人會因為老去而離開佢，佢就逼埋自己嘅另一半都要食呢個人魚肉，等大家都永遠在一起。故事去到最後話有彩蛋，唔寫出嚟了，睇完真係覺得呢個劇場版好黑暗有啲怕怕 D:
💡
誰是誰非？邊個罪有應得？
呢個真係靈魂嘅拷問嚟。但喺我角度睇件事就係，賽蓮冇自省。本來大支嘢咁向島民做伸手黨蝦蝦霸霸咁已經睇唔順眼，加上島民要吃咗條人魚仔都係因為佢所謂嘅"意外"整傷咗島民而引發。無心之失？但係當刻賽蓮明明就感覺到自己係有撞到啲嘢，點解唔去睇下發生啲咩事呢？佢一定係有最大嘅責任，不論島民喺當時救唔救得返都好。島民當時都係基於傳說，為咗佢嘅至愛都冒咗個險，用盡方法為求另一半起死回生。但要煮咗人哋嚟食喎⋯⋯見到動畫畫出嘅嗰碗有魚皮同魚肉，再諗返本來嗰條生勾勾嘅人魚仔⋯⋯@@ 有啲唔知可以講咩好。
真係百感交集，咩係錯咩係對呢？所以呢個世界都係灰色的，邊會有黑白分得咁清楚⋯⋯
希望今晚唔好發惡夢🤣