四國|JR 西日本網上訂票
同兩老去旅行最緊要係玩得順心同減少喺旅程中有不必要嘅煩惱。身為一個J人最鐘意drill details,覺得車飛都唔好去到買啦!買定先去到換既可以確保有位坐又唔洗頻頻撲撲咁樣去買飛,陣間急中生錯就大鑊。
由於今次去四國係由松山開始先會連續揸幾日車,所以由高松去松山要搭JR過去。上網見有得online買車飛先然後去到換,就於是買咗先!反正啲行程都已經安排好咗,租車嗰度都約咗時間又畀哂錢,JR搭幾點都係走唔甩。
去呢度可以online買JR啲車飛,有哂周遊券,新幹線啦,就咁JR火車飛啦咩都有齊哂,當然有其他OTA可能有平㖭但似乎JR就咁買one-way火車飛又有得買埋特急券指定席就要喺官網買。👇🏽

可以喺呢度check埋你想出發嘅嗰個車站有冇得自助拎飛,就咁插張你上網買飛用嘅信用卡再輸入你自己設定嘅4位數字PIN code,就可以拎飛了。

|購票
買飛就碌到落最底搵呢個

因為今次只係買 高松 ➡️ 松山,所以揀「選擇車站」點對點咁買飛,簡單直接。
JR高松站可以自助拎飛,當日去到JR站揀選用CREDIT CARD拎飛,插卡㩒PIN就搞掂,超方便哦。