四國 德島|大歩危峡観光遊覧船

Share
四國 德島|大歩危峡観光遊覧船

大步危除咗想坐船仔之外,最想係去montbell買限定版t-shirt。但係,嗰日,佢定休日啊!!!真係要怪自己唔好好咁check日子... 跟住祖谷蕎麥麵又冇開食唔到😫 不過好彩天氣好好,坐船仔穿梭喺清澈見底嘅碧綠峽谷之間,真係幾舒服~

|大步危/小步危個名係點嚟? 📜

「大步危(おおぼけ)」呢個名係點嚟呢?遠古以前吉野川兩岸全部都係陡峭懸崖,山路極之險峻,古人行過呢度嘅時候,行大步少少都覺得危險(大股で歩くと危険),所以改咗個好有畫面嘅名,隔離再險峻啲嘅就叫「小步危」🤣 不得不說日本人形容所有嘢都真係一針見血。

坐船見到嗰啲層層疊疊、好似刀切出嚟咁嘅奇形怪狀岩石,其實係大約 2 億年前喺深海海底形成嘅沉積岩(結晶片岩),經過地殼變動推高,再畀吉野川嘅急流日積月累沖刷咗億萬年,先雕刻出今日呢個國家指定天然紀念物奇景。

|交通與購票🚗

自駕目的地喺大歩危峡まんなか(Oboke Gorge Mannaka),有個好大嘅免費停車場,車位非常充足,唔洗擔心搵唔到位泊車。

停車場隔離大歩危峡まんなか入面有得買手信同埋有啲熱食,不過嗰陣我哋去嘅時候都仲係好早,所以得手信鋪有開。買手信隔離係賣飛嘅地方,如果你係住峡谷の湯宿 大歩危峡まんなか,酒店會問你搭唔搭船,因為佢哋會有張優惠卷畀你,前一晚填好資料後第二日直接帶去畀賣飛counter就可以了~

💰
船票收費:成人 JPY 1,800 / 小童(3歲至小學生)JPY 900

買好飛之後就可以落下一層去洗手間先再出發去搭船。基本上都係斜路落去,係途中少少梯級。

大歩危峡観光遊覧船
大歩危峡観光遊覧船
大歩危峡観光遊覧船
大歩危峡観光遊覧船

落到去乘船點有個影相哥哥仔就會幫你影返張大合照,到時你遊完船之後就可以買返。

💡
1SET JPY 1,600 有一張5R連相框可以做擺設,另外一張細細張嘅可以擺銀包。

好彩天公造美,吉野川清澈見底,超喜歡嘅翡翠綠色!來回航程大約4KM,30分鐘左右就完。中途好多位都勁靠近啲岩石,又有啲小瀑布。

大歩危峡観光遊覧船
大歩危峡観光遊覧船
大歩危峡観光遊覧船
大歩危峡観光遊覧船
大歩危峡観光遊覧船
大歩危峡観光遊覧船

大歩危峡観光遊覧船
大歩危峡観光遊覧船
大歩危峡観光遊覧船
大歩危峡観光遊覧船

悠悠閒閒又一個上午~🌞


|大歩危峡観光遊覧船 大歩危峡まんなか

🕐 開放時間:星期一至日 09:00~17:00(全年無休,但如遇河水暴漲或惡劣天氣會暫停開航)
💰 門票:成人 JPY 1,800 / 小童 JPY 900
🌐 官方網站:https://mannaka.co.jp/sightseeingboat/

Read more

四國|JR 西日本網上訂票

同兩老去旅行最緊要係玩得順心同減少喺旅程中有不必要嘅煩惱。身為一個J人最鐘意drill details,覺得車飛都唔好去到買啦!買定先去到換既可以確保有位坐又唔洗頻頻撲撲咁樣去買飛,陣間急中生錯就大鑊。 由於今次去四國係由松山開始先會連續揸幾日車,所以由高松去松山要搭JR過去。上網見有得online買車飛先然後去到換,就於是買咗先!反正啲行程都已經安排好咗,租車嗰度都約咗時間又畀哂錢,JR搭幾點都係走唔甩。 去呢度可以online買JR啲車飛,有哂周遊券,新幹線啦,就咁JR火車飛啦咩都有齊哂,當然有其他OTA可能有平㖭但似乎JR就咁買one-way火車飛又有得買埋特急券指定席就要喺官網買。👇🏽 西日本旅客鐵道株式會社 - JR-WEST ONLINE TRAIN RESERVATION事先透過網路預訂以西日本地區為主的列車車票!WESTJR 可以喺呢度check埋你想出發嘅嗰個車站有冇得自助拎飛,就咁插張你上網買飛用嘅信用卡再輸入你自己設定嘅4位數字PIN code,就可以拎飛了。 💡記得一定要用有實體卡嘅信用卡買飛 |購票 買飛就碌到落最底搵呢個 因為今次

By 霸豬

四國 德島|大鳴門橋遊歩道 渦の道

德島鳴門漩渦喺世界三大潮流之一。咁有邊三大潮流呢? 1. 鳴門海峽的潮流 2. 意大利的墨西拿海峽 3. 加拿大的西摩海峽 鳴門海峽大潮嗰陣流速最快可達到時速 20 公里,亦係日本流速最快嘅潮流。呢個漩渦好似唔睇唔得🤣 安排行程嗰陣都諗緊應該點好。因為本身係諗住去到德島就還車,然後搭JR返高松。但係睇睇下搭車去鳴門都唔係易事,加埋帶住兩老,都係揸車去鳴門,然後再返高松還車方便啲,所以就自駕去鳴門住返晚! 本來係諗住返高松嘅朝早去睇完漩渦先,所以冇打算搭船近距離睇漩渦(驚暈船浪又要揸車就好麻煩)。點知喺返高松前一日嘅活動時間比預計有鬆動之餘又早咗,再睇埋個大潮時間,哇,啱啱好揸到過鳴門就係大潮時間呀!第二日都冇咁好呀!於是就將個行程再調,嘭嘭聲飛奔去鳴門趕喺大潮時間睇最厲害嘅漩渦! 🌟 推薦度:★★★★★ ⌛ 是次停留時間:大約 1 小時 🚗 交通:自駕,於鳴門公園駐車場泊車,步行約 5 分鐘即達渦之道入口 🅿️ 泊車:JPY 500 全日,鳴門公園駐車場1/2/3(視乎當時情況會有工作人員指示)

By 霸豬

四國 小豆島|寒霞溪

四國寒霞溪係睇紅葉 no.1 嘅地方,不過嚟嘅時候仲係青葉哈哈。之但係由山頂望返落去瀨戶內海,廣闊嘅視野真係令人心情舒暢,頭腦都舒服咗好多。相信秋天睇紅葉嘅季節一定逼爆人🙂‍↔️ 💡四國紅葉情報 https://koyo.walkerplus.com/list/ar0900/ |交通 自駕 泊車 🚗 到達小豆島之後第一個景點就係嚟呢度睇景。喺ORIX拎咗車之後就揸到嚟紅雲亭停車場,打算由山腳搭纜車上去山頂。 🅿️ 停車場 - 寒霞渓ロープウェイ紅雲亭駅 泊好車之後可以喺呢度上去車站買飛,搭纜車上去寒霞溪山頂。⛰️ 唯一能「同時眺望天空、大海與溪谷」的纜車。呢個時間竟然冇人上嚟(其實更多嘅人係直接上咗山頂,旅行團呀嗰啲會選擇山頂搭返落嚟睇海陸空嘅景),所以我哋一家包咗架纜車🚡。 |寒霞溪歷史小故事 📜 寒霞溪同大分縣耶馬溪、群馬縣妙義山並列為「日本三大溪谷美景」,亦係日本最早被指定嘅國立公園(瀨戶內海國立公園)核心地帶。成個溪谷係大約 1,300 萬年前火山爆發之後,歷經風雨、地殼變動長年侵蝕雕琢出嚟嘅天然奇觀。 不過「寒霞溪」喺古代唔係咁叫㗎。

By 霸豬

四國 高知|屋形船 四万十の碧

四萬十川係「日本最後的清流」,都真係幾好奇點解得佢會有咁嘅美譽。日本都有好多條清澈嘅河川呀?亦有好多人話去得四國真係要去埋呢度睇,所以想一探究竟! |四萬十川與「沉下橋」嘅歷史小故事 📜 原來早喺日本經濟高速成長時期,全國絕大部分主要河川都起咗大型水壩作水力發電或者蓄水,唯獨全長 196 公里嘅四萬十川本流,一條大型綜合水壩都冇起過🙂‍↔️ 因此佢完好保留咗最原始嘅河川生態。而四萬十川最具標誌性嘅,一定係橫跨河面嘅「沉下橋」。呢啲低矮結實嘅橋係水位上漲嘅時便會沉入水中,並無欄杆設計,令到水入面嘅流木等等雜物可以直接流過,而唔會被橋樑卡住。呢種橋體結構唔會阻礙水流,因此能夠減少河水對兩岸嘅侵蝕,亦令到橋樑唔容易被洪水沖垮。 古人嘅智慧確實令人震驚,佢哋好識順應自然,搵出最合適嘅方法對抗大自然為生活帶嚟嘅災害及確保生命財產安全。雖然而家科技發達,但似乎人類對抗大自然嘅方式愈嚟愈硬碰硬⋯⋯淨係近幾排睇到好多天災嘅新聞都真係令人心酸。 帶住兩老梗係想搵啲舒舒服服、零體力消耗嘅方式飽覽四萬十川嘅絕景,坐屋形船會係一個好嘅選擇呀。係Activity Japan做咗預約(無包餐飲的~)

By 霸豬