霸豬 - day day 200 OK! (Page 3)

石垣島

石垣島｜日落獨木舟🛶

見啲tour好多都大推日出/日落獨木舟，其實都好想去哂因為一定可以見到唔同嘅景色，不過又好似太過貪心，所以喺石垣島我哋揀咗去日落獨木舟。集合時間係傍晚6點，係石垣島碼頭嘅紅色郵筒等。超級多人等候🤣 然後我哋個guide就嚟接我哋出發去玩了。今次着好泳衣，拎支水就已經可以出發。tour guide本來直接揸車去目的地，不過同團有一個朋友玩SUP，所以要返一返去adventure pipi office度拎返支槳。之後就直奔宮良川のヒルギ林！｜宮良川のヒルギ林去到停車場就着返啲助浮衣同埋拎返支槳，adventure pipi有準備咗啲marine shoes 畀大家換，不過我哋帶咗自己嗰對（低筒），有問guide着唔着得。佢都有少少hesitate不過話okay冇問題。事後先醒起以前玩艇都係着高筒水鞋啊⋯⋯！ 💡建議換佢哋嘅鞋，保護性強啲。佢哋提供嘅水鞋係包到上腳眼再高啲，同個底都好鬼厚身。去完呢個紅樹林area之後就知道啲水底實在會隱藏好多石頭、大大條樹枝，仲要好鋒利又尖，整傷就唔好了。（touchwood 今次冇事）跟住行小段路落樓梯去拎隻獨木舟。因為係

石垣島

石垣島｜🍼 ゲンキショップ石垣美崎町本店

歷史悠久嘅老字號，八重山ゲンキ乳業係1957年創立，陪伴住八重山群島嘅居民成長。招牌吉祥物係ゲンキくん，我都買咗好幾個pin返屋企XD 嚟到呢度唔可以唔飲佢個ゲンキシェイク，超香濃奶味，帶有少少似煉奶嘅甜味，天氣又熱熱哋，飲呢個冰凍嘅奶昔真係別有一番滋味！大推呢杯奶昔，勁想買多杯不過都係留返個肚試下其他嘢。我哋都係行行下發現咗呢度，本身仲諗緊啲人拎住個genki仔大袋喺邊度買，原來係呢度！genki仔個大袋真係超好用，去沙灘玩水放哂啲用品落去一袋拎走搞掂！ 💡想要個袋但買唔夠5000円嘅話，可以以798円購入｜ゲンキショップ石垣美崎町本店

石垣島

石垣島美食｜SAN DRIP GARAGE

玩完水就肚餓了，所以去咗搵嘢食！行過見到呢間SAN DRIP GARAGE 好似唔錯就貢咗入去填飽肚子。（店員們都好熱情，見人行過會打招呼😆）又嗌咗個さんぴん茶飲解下渴，喺石垣島都飲咗勁多支🤣 呢個poki bowl有醃過嘅吞拿魚粒粒，飯底，好多沙律菜，一隻溫泉蛋，同埋半隻牛油果。加埋啲生磨わさび，啖啖都勁好味。至於呢個chicken taco，辣辣哋又勁juicy，真係流哂口水！個sauce酸酸哋勁開胃。咁就填飽咗個肚子可以繼續行程 :D ｜SAN DRIP GARAGE

石垣島

石垣島海灘｜🏖️底地ビーチ

呢日去咗海灘游水，揀咗去底地ビーチ。我哋食完早餐過嚟呢邊，都算晏㗎啦8點到，已經有啲人喺海灘游緊早水。石垣島美食｜とうふの比嘉話說某人好鐘意食豆腐（？）我都好鐘意食豆腐料理，所以喺plan行程嘅時候見到有呢間超人氣嘅豆腐料理店就馬上bookmark咗。聽聞係要倒屎咁早去到先有得食，我哋6點半去到都已經遲咗啦（雖然google map寫佢6點半開門），已經有早一轉嘅客人享用緊早餐！於是我哋等咗大約半小時就有位。去遲少少都冇位泊車呀⋯⋯ 💡請你倒屎咁早就好揸車去，5點鐘起身‼️ 嗌咗兩個套餐： 1. ざくざく豆腐 2. 定番！ゆし豆腐セットざくざく豆腐唔係set嚟，所以係冇飯嘅，我哋加咗個小碗飯。明太子醬加埋紫菜，鹹鹹哋同嗰種鮮味，夾埋個清淡嘅豆腐，味道剛剛好！ゆし豆腐係未經壓實成形嘅豆腐嚟，所以佢唔會好似啲豆腐磚咁樣咁實，反而係鬆鬆軟軟又好滑溜，好似豆腐花咁。呢個ゆし豆腐嘅豆味好濃郁，而且有少少燶燶哋嘅味道，正常㗎，係ゆし豆腐嘅特質嚟，係一種煙燻焦香味。而定番！ゆし豆腐セット就更為清淡，基本上都冇咩調味，係啖口好多。但豆味香濃，熱辣辣咁用嚟送飯都好好吃呀。豆漿一樣都係超濃豆香，

石垣島

石垣島美食｜とうふの比嘉

話說某人好鐘意食豆腐（？）我都好鐘意食豆腐料理，所以喺plan行程嘅時候見到有呢間超人氣嘅豆腐料理店就馬上bookmark咗。聽聞係要倒屎咁早去到先有得食，我哋6點半去到都已經遲咗啦（雖然google map寫佢6點半開門），已經有早一轉嘅客人享用緊早餐！於是我哋等咗大約半小時就有位。去遲少少都冇位泊車呀⋯⋯ 💡請你倒屎咁早就好揸車去，5點鐘起身‼️ 嗌咗兩個套餐： 1. ざくざく豆腐 2. 定番！ゆし豆腐セットざくざく豆腐唔係set嚟，所以係冇飯嘅，我哋加咗個小碗飯。明太子醬加埋紫菜，鹹鹹哋同嗰種鮮味，夾埋個清淡嘅豆腐，味道剛剛好！ゆし豆腐係未經壓實成形嘅豆腐嚟，所以佢唔會好似啲豆腐磚咁樣咁實，反而係鬆鬆軟軟又好滑溜，好似豆腐花咁。呢個ゆし豆腐嘅豆味好濃郁，而且有少少燶燶哋嘅味道，正常㗎，係ゆし豆腐嘅特質嚟，係一種煙燻焦香味。而定番！ゆし豆腐セット就更為清淡，基本上都冇咩調味，係啖口好多。但豆味香濃，熱辣辣咁用嚟送飯都好好吃呀。豆漿一樣都係超濃豆香，鐘意豆腐料理嘅人一定會鐘意呢度。呢個早餐係大滿足！題外話：google map又帶我哋抄小路入去，明明有

石垣島

石垣島美食｜八重山そば製麺所×石垣島麺処

搵到呢間八重山そば店，佢哋係自家工場製麵嚟。八重山そば係必吃之物，佢同沖繩そば嘅分別係佢幼身啲。搵豬咪咪總結下兩者嘅分別：夜晚嚟食，鋪頭唔太多人。入去食嘢嘅區域要除鞋。我哋揀咗坐bar枱，望住出面嘅景色（其實都入咗夜黑媽媽冇嘢睇）不過就見到條檐蛇仔喺出面望住我哋食飯😆 麵食落去係彈牙又好滑溜，個湯底食落有啲鹹，落啲島辣椒落去個味道層次馬上升級咗。｜八重山そば製麺所×石垣島麺処

石垣島

石垣島海鮮丼｜石垣島水産直売所

去完浮潛就諗lunch食咩好呢？個人好鐘意去搵啲當地市場睇下有咩好行同埋食，因為大多啲嘢又新鮮又好食。又係喺google map搵咗陣，就㩒到呢間石垣島水産直売所有得食海鮮丼！見人哋啲相啲魚生又新鮮又唔貴，於是就揸車去咗呢度食午餐。啲海鮮丼喺個雪櫃入面任君選擇，中トロ丼都只係1850円（佢有啲平啲，應該都係睇部位同稱重？）仲有後面有個架放咗味噌湯可以飲（不用錢）。抬頭一望仲有一張好大嘅poster介紹咗好多條魚嘅品種同名稱。沖繩嘅魚有成242種⋯⋯超多。推～又平又好吃｜石垣島水産直売所 💰2個人2個海鮮丼3100円營業時間：12:00～17:00，逢星期日休息

日常

yumyum🍗｜Up9 Hk

本來搵咗另一間尼泊爾菜餐廳，但點知冇開門，再搵過另一間叫LAL DURBAR Hong Kong，又係冇開門（後尾發現係google opening time 佢哋冇update過，只係有落場時間⋯⋯未開門⋯⋯）於是去咗呢度 - Up9 Hk, 本來係出面行過見到入面好似好地道咁，上網睇下啲食物評價，欸好似唔錯咁喎！於是就貢咗入去呢間！雖然佢喺google寫咗係一間外賣自取餐廳，但係佢都有兩個位可以坐，又或者有多少少人想坐嘅話佢哋仲有張摺枱可以打開坐。嗌咗以下呢三樣食物，老闆娘問要唔要辣，但我哋唔係好食得辣，所以叫咗少少辣🔥 首先嚟個Chatpate（脆米雜燴）。凍食嘅，個汁少少辣又少少酸，加埋啲生即食麵碎脆脆哋個口感好新鮮，呢碟菜式都好開胃。呢個就成日見到嘅話都會嗌嘅波波（Pani Puri），覺得尼泊爾嘅比較好食。個汁酸酸辣辣咁又係好開胃！呢個chilli momo真係搞不掂，勁好食。隻momo雖然沾咗甜甜酸酸辣辣嘅醬汁，但係都保持到勁脆又香口，我哋嗌咗雞肉，隻餃子入面勁juicy又香口，大推！好啦今日又記住咗食過啲咩 :D | Up9 Hk

石垣島

石垣島居酒屋｜えいこ鮮魚店

晚餐食呢間えいこ鮮魚店。唔係十分餓所以淨係叫咗少少嘢兩個人食。個小碗本まぐろ丼已經係最後一份！啲魚真係好新鮮好好吃，島豆腐則味道濃郁，配埋海葡萄咸咸地同埋個沙律汁酸酸地，真係好開胃。個天婦羅蝦🍤蝦肉十分彈牙爽口，畀💯呢碟蝦🤣 仲有枝豆啦同埋炸蜆。店家規定每人要嗌一杯飲品，因為要揸車，所以都冇嗌生啤，叫咗個さんぴん茶。｜えいこ鮮魚店 💰2個人食咗around ￥7,000 星期日係定休日

十萬個為甚麼

浮潛/潛水完點解會覺得特別急尿？

話說浮潛完勁急薯薯，心諗咩料，明明朝早都唔係飲好多水啫。搵一搵google原來係「浸入性利尿」Immersion Diuresis。主要係因為海水比較凍，當身體浸入啲較涼嘅海水嘅時候，四肢同皮膚嘅微血管會收縮，將血液推返去心臟同軀幹，令到大腦以為你嘅身體水分過多，血壓過高而發出命令去減壓，叫個腎臟加速製造尿液。平均潛40分鐘左右就會想去廁所 🚾。呢個狀況其實你嘅身體都係脫緊水，所以上返岸一定要飲返多啲水或者電解質。見啲人話其實要識喺海度去廁所，之前玩獨木舟都已經試過喺海度去廁所，但今次浮潛都係上返船先覺得勁急🤣，所以忍到搵到廁所先有得去。之後嘅浮潛同落海玩我已經都唔客氣了⋯⋯😶

西表島

西表島｜バラス島半日浮潛🤿

成個trip第一日嘅出海浮潛搵海龜！好期待可以見到海龜，加上天氣勁熱真係好想快啲跳落大海玩水 :D 西表島其實真係好多嘢玩同睇。屬於世界自然遺產嘅西表島（Iriomote-jima）係沖繩縣八重山群島中最大嘅島嶼，亦係沖繩第二大島，僅次於沖繩本島。全島有超過90%嘅面積係亞熱帶原始森林同紅樹林覆蓋，保留咗極原始嘅大自然面貌。島上面仲有隻極度瀕危物種 - 西表山貓。我今次就無緣見到佢了，網上面見到啲相都覺得佢哋好得意。另外，西表島有好多戶外探險活動，鐘意上山下海嘅你一定要鐘意呢度 :D 不過今次嘅旅行目的係chill chill，雖然真係好想去玩獨木舟＋行山睇瀑布，但係唔想chur爆一個身心俱疲嘅另一半，所以揀咗呢個バラス島半日浮潛🤿 |【半日】在奇蹟之島與海龜共游！巴拉斯島船浮潛 💡西表島 ADVENTURE PIPI 預約網站價格：¥7,900/人 (含稅) 活動時間：2小時（未計搭船嗰啲）可以去到當地付款（現金）或者網上付款如果你係西表島住一晚第二朝再join呢個tour，應該可以慢慢地吃埋個早餐，再慢慢地去上原港集合。chill

日常

英仙座流星雨 2026

睇到新聞話英仙座流星雨喺8月12日至13日超活躍兼會好容易睇到，太空館話12Aug 22:00 開始至到 13Aug 16:30 係建議觀測時段，仲預計天頂每小時出現率為100，而香港最多每個鐘可以見到流星數目係20。去石垣島見識過咩係真實嘅太空館天象廳，抬頭滿天星星嗰種震撼程度大概呢輩子都未見過，流星雨就更加唔洗講啦。於是乎覺得想要探索一下喺香港睇星星嘅感覺係點，咁大個人喺香港長大咁耐都未試過夜媽媽去西貢為咗睇星星💫！揸車入到去遠遠已經見到車龍，仲見到個天勁光係咩事？？？諗住轉場㗎啦，但去到大坳門咪錶泊車位見到有好多吉位，又十分好奇嗰啲咁光嘅地方究竟係啲咩嚟，所以泊咗架車喺嗰度，然後行咗20分鐘入返大坑墩觀景台睇星星。夜晚涼涼哋又唔係好似日頭咁熱到傻，雖然都出下汗但感覺還好。搵到個位置坐低望上天空，欸好似有好多星星咁，但啲雲時多時少，仲要個天因為啲燈搞到勁光，大概肉眼就咁睇就見到有5粒星星左右（唔係流星呀！）。觀察期間有好多飛機從四方八面咁向同一個方向飛去，一分鐘一隻咁濟，香港機場都真係幾繁忙。至於嗰啲勁光嘅燈，藍藍綠綠咁，上網睇啲人話係漁船上嘅超高功率LED魷魚燈嚟。