東京 羽田機場｜Terminal 3 Coin Locker 位置及過夜體驗 Omotenashi Center（おもてなしセンター） Lockers

今次因為飛 06:35 ，如果book 酒店又唔係平，瞓得幾個鐘又起身，決定都係去 泉天空の湯 羽田空港 過晚夜。由於個溫泉係禁止攜帶行李箱或滾輪行李入內，所以要去搵coin locker 放低個喼先。

喺 2/F Omotenashi Center（おもてなしセンター）後面有一堆locker，但因為太方便，基本上下層嘅locker 好快就爆滿 得返啲上層嘅locker。今次個喼唔知做乜鬼成 20KG（明明冇乜點買嘢！），冇可能咁樣推上去上層locker。於是搭咗就近嘅電梯落下一層 1/F，行前兩個走廊左右就會見到一堆lockers。嘿嘿⋯⋯冇人嚟擺喼，下層全吉，放低個喼就即刻衝去浸溫泉♨️瞓覺 。

男女湯出面有好大嘅area休息，有長椅可以休息瞓覺，但勁快畀人坐哂哈哈。近岩盤浴嗰邊都有得躺平休息，但係似啲岩石嚟（又未貼住地面），有個cushion 挨下。

喺近溫泉嗰邊搵到張長椅，不過我就太醒瞓，有好多人喺後面行嚟行去（因為後就係溫泉嚟），下次再嚟呢度揀岩盤浴嗰邊休息較清靜。

太攰又勁想快啲去浸溫泉結果係唔記得影相記錄返個locker路線⋯⋯但記低佢先下次有機會再用。

｜羽田エアポートガーデンおもてなしセンター

📍 〒144-0041 東京都大田区羽田空港２丁目７−１