石垣島｜川平灣SUP🏝️
未玩過SUP！所以嚟到石垣島見人話川平灣風平浪靜好啱玩SUP就報名了。淨係玩SUP就梗係唔夠喉啦🤣 所以加埋個幻之島浮潛！
｜Tour 資訊
【1日】石垣島プレミアムプラン！幻の島上陸＆シュノーケリング＆川平湾SUP/カヌー | 石垣島 ADVENTURE PiPi（ピピ）
川平湾と幻の島を両方楽しめるアクティビティのプランです。川平湾はSUPやカヤックで。 幻の島は上陸とシュノーケリングを楽しんでいただきます。当日予約受付中。小さいお子様大歓迎。
💰
【1日】石垣島尊享方案！登上幻之島＆浮潛＆川平灣SUP／獨木舟
價格：15,000/人（含稅）
時門：約7小時（其實係兩個唔同嘅tour合併）
付款方式：online payment 或者 當地付款 （cash/credit card）
價格：15,000/人（含稅）
時門：約7小時（其實係兩個唔同嘅tour合併）
付款方式：online payment 或者 當地付款 （cash/credit card）
可惜的是前一日收到adventure PIPI WhatsApp話因為風浪太大了所以無法去幻之島，有兩個options
- 改去青洞浮潛🤿＋川平灣SUP
- 取消幻之島嘅tour，只係去川平灣SUP
咁就梗係唔會放過任何出海浮潛嘅機會啦！！！所以改咗去青洞浮潛同川平灣SUP！
當日朝早9點就喺碼頭度集合，我哋諗緊會去川平灣先定浮潛先，因為改咗個tour之後佢哋冇特別講，都係因應返當日作出安排。於是我哋今次係去咗川平灣玩SUP先，下午先再去青洞浮潛。
一路搭車上去川平灣嘅時候個tour guide有同我哋介紹返石垣島嘅資訊，最印象深刻嘅係，石垣島係得family-mart，而最近石垣島嘅7-11係喺台灣😆 睇返地圖石垣島同沖繩本島都真係好有距離。
喺岸上教識咗我哋應該點樣拎支槳之後就坐上隻SUP度划出去了！
首先坐喺SUP板度感受同埋試下點樣划水，然後再慢慢跪坐轉企起身。當日都有啲大風，企起身嘅時候因為槳得一邊划，個balance有少少難控制。不過都可能係因為唔想濕身玩得唔夠放 D: 最後都係坐返喺度好似玩獨木舟咁划，方便控制返個方向，如果唔係就好似朋子咁愈吹愈遠最後要被人拖番返嚟🤣
唔錯㗎喺呢個算平靜嘅海面上慢慢係度划，吹下風，又好太陽。
划返岸邊執拾咗之後就上車送返我哋去碼頭，散band放lunch，我哋仲有下半場要去青洞浮潛，所以喺1點鐘再去返碼頭集合。
至於青洞浮潛就留喺呢篇度講啦！
石垣島｜青洞浮潛🤿
上晝喺川平灣玩完SUP，下晝一點就喺碼頭集合參加浮潛tour，跟住就上車出發去青洞！我哋嘅tour guide超級有條理咁安排好哂大家坐邊度，因為啲助浮衣呀水鞋呀對fins呀根據你嘅size安排好。就嚟到達目的地嘅時候就會叫大家先着咗個助浮衣同水鞋，由於佢要泊架車喺一個遠少少嘅地方，所以我哋只係拎住自己嘅goggles同對fins行去集合點等佢返嚟，其餘嘅個人物品都係留喺車上。 去到嘅時候都差不多2點，啲水退得都算乾，但呀guide話再晏啲就更乾，所以趕住帶我哋出去浮潛嘅位置！ 落水嘅地方都算淺窄，下面有好多礁石同珊瑚🪸，所以呀guide話要我哋兩個兩個咁排隊游過一個超窄嘅地方再去到出面深啲嘅地方先開始浮潛睇魚。 出到去深啲嘅地方望落水底係有啲耶穌光咁，真係幾靚！ tour guide問我哋有冇睇到nemo，好遺憾真係冇見到，淨係見到超多銀色魚，藍色魚同黑色魚（魚：我哋冇名？），都冇海龜 D: 然後佢話帶我哋去一個地方一定會見到nemo，係佢嘅nemo秘密地方🙊 🎉 NEMO! 係一個好細嘅小洞口入面，啲水退哂⋯⋯不過呢個洞係有水養住佢哋。潮漲嘅時候佢哋就可以游返出大海
霸豬
💡
記得留意WhatsApp/Line。
adventure PIPI 會透過WhatsApp/Line係個tour出發前一日聯絡你，佢哋有句 "Please note that you will not be able to join the tour if we do not receive your reply to this message, so please make sure to respond."。主要都係同你confirm返係咪出席活動，提供返多少少資訊畀你，例如集合地點同時間、朝早嘅tour完咗之後幾點返嚟join下午嘅tour、仲有完結嘅時間等等。仲有會問返啲身高體重呀，鞋碼呀，仲有你會玩SUP定獨木舟呀（人哋要準備嘛）。所以記得留意message啦！
adventure PIPI 會透過WhatsApp/Line係個tour出發前一日聯絡你，佢哋有句 "Please note that you will not be able to join the tour if we do not receive your reply to this message, so please make sure to respond."。主要都係同你confirm返係咪出席活動，提供返多少少資訊畀你，例如集合地點同時間、朝早嘅tour完咗之後幾點返嚟join下午嘅tour、仲有完結嘅時間等等。仲有會問返啲身高體重呀，鞋碼呀，仲有你會玩SUP定獨木舟呀（人哋要準備嘛）。所以記得留意message啦！