搵咗好幾間餐廳想食，一係就閂咗門（明明google map話有開？）一係就fully booked 冇得walk in。最後搵到呢間定食屋！環境同氣氛都好cozy，老闆娘亦都好友善喔！玩咗成日都有啲啲餓，同埋要預啱啲時間揸車去睇星星，所以就喺呢間餐廳享用我哋嘅晚餐！
雖然嗌嘅嘢食不多，但係都啱啱7分飽唔洗頂住個胃。最叫人驚喜嘅係呢個芝士焗雞扒！！！
雞扒肉質鮮嫩，而且十分juicy，加埋啲青椒絲同芝士真係超級惹味。塊雞扒大約切咗六件但我食咗2/3🤣 抱歉了朋子。
人手好似不足，得呀老闆娘（樓面）同呀老闆（廚房）做哂成間鋪。所以如果大家肚餓都畀少少耐性等下！
落咗機即刻搵接載我哋去Times拎車嘅人，但眼見其他租車公司嘅職員都帶住佢哋嘅客人離開，我哋都仲未搵到Times嘅職員。有少少心急係因為要趕喺啲航班降落時間衝去17END睇飛機！好在等多陣就有人嚟接我哋。 拎到車之後就馬上驅車前往機場下地島17END。呢邊就係宮古島另一個機場 - 下地島空港，建築物好有特色好靚，好似藝術館。沿路經過伊良部大橋，風景超美，宮古藍真係令人感到超放鬆嘅藍色。同石垣島嘅藍又係好唔同，宮古藍係偏綠少少，係最鐘意嘅綠松石色！ 嚟到17END，就見到震驚了我的宮古藍！ 海水嘅澄澈度，講真咁大個都真係未見過，仲要係呢隻綠松石，真係冇哂抵抗力。喺石垣島未見到嘅海龜，嚟到宮古島就即刻見到！雖然只係遠處見到佢哋浮上水面抖氣，都已經超興奮！ 但睇咗好耐個大海差啲唔記得其實我哋嚟呢度係要行到最入睇飛機降落。點知已經有隻飛機飛緊埋嚟，於是拔足狂奔，只能夠講飛機真係超快😆 第一隻飛機只能從佢嘅側面睇住佢降落。好彩仲有一班飛緊過嚟，於是急急腳咁走去盡頭度搵個位欣賞。 💡可以喺呢個下地島空港官網可以睇到當日到達嘅航班時間 睇完飛機就搵咗個位坐咗陣繼續睇住呢個好靚嘅大海。
晨咁早八點半機由石垣島飛去宮古島，成程機其實都只係30分鐘就降落。所以飛機唔係飛太高。仲要冇咩人搭，包機咁濟😆 不過喺出發之前，喺石垣島空港搵到個好大嘅水族箱，入面有好多好靚嘅海洋生物。其中一條小丑魚就掉轉嚟𢯎痕⋯⋯ 出發了出發了～宮古島機場有兩個，今次係飛去宮古空港。 登登登！！！傳說中的宮古藍！！！ 基本上唔會有除安全帶嘅時間，坐一陣就落地。最期待的宮古島！到達！ ｜宮古空港
用咗幾十年儲水式電熱水爐，都好習慣好快沖完涼，今次大裝修換返啲先進少少先🤣 師傅推介用呢隻：German Pool 德國寶GPU-6SSM 6加侖/22公升 速熱式電熱水器 (中央型) 佢機身又真係幾薄，屋企放熱水爐個位大極有限，加上前面已經係一個廁所嚟，所以個size都唔能夠太厚太大舊。呢隻薄薄哋都算係幾啱位。原本想要白色㗎，但呢隻款得黑色，襯落廁所整體顏色都算OK嘅。 熱水都熱得幾快，開咗熱水爐大約五分鐘就已經好夠熱水沖涼，比起以前嗰啲真係快起碼十倍！希望冬天沖涼佢都係會熱得快。部機都support一路開住嚟沖涼（德國寶速熱式電熱水器）。 冬天用嘅時候再畀個review 哈哈。
話說嗰日問咗個tour guide小哥石垣島有咩係必吃，佢話食咗ひとし未，呢間係全石垣島最好吃嘅居酒屋，務必要去試試。於是我哋嗰日試去walk in，係冇可能嘅，一定要預約先可以。所以即場book咗第二日嘅16:30（冇啦實在太full只有呢個時間）。同埋行程上都可以安排到所以唔理啦一定要試下呢間居酒屋！！！ 16:15店外已經超多人等候食第一輪，真係都幾誇張。用膳時間係一小時，雖然好似有啲趕⋯⋯！但係美食當前應該都好快清哂。 呢幾日浮潛嘅時候已經成日聽見啲tour guides指住啲藍色嘅鸚哥魚話做刺身好好食⋯⋯本來我喺水底見到條魚藍成咁⋯⋯真係食得嗎？上網搵過啲人話佢哋係珊瑚魚對海洋好有幫助其實唔應該食⋯⋯但係好奇心驅使又想知其實係咩質地⋯⋯所以叫咗兩件壽司🍣⋯⋯！ 好啦就係佢，啲皮嘅口感都幾韌，魚肉就爽的，但我食落就冇咩好特別，未必會想翻兜嘅魚類。試下就好。 刺身呀，海葡萄啦，壽司啦樣樣都勁新鮮。見隔離枱嗌咗個好吸引又好creamy嘅麵食但又唔知係咩嚟，於是問咗店員係咩菜式，係海膽素麵！馬上加單叫埋呢個。嚟到嘅時候真係超香濃嘅海膽味，個湯勁creamy，夾埋啲素麵食真係
