旅遊 - day day 200 OK! (Page 2)

石垣島

石垣島美食｜とうふの比嘉

話說某人好鐘意食豆腐（？）我都好鐘意食豆腐料理，所以喺plan行程嘅時候見到有呢間超人氣嘅豆腐料理店就馬上bookmark咗。聽聞係要倒屎咁早去到先有得食，我哋6點半去到都已經遲咗啦（雖然google map寫佢6點半開門），已經有早一轉嘅客人享用緊早餐！於是我哋等咗大約半小時就有位。去遲少少都冇位泊車呀⋯⋯ 💡請你倒屎咁早就好揸車去，5點鐘起身‼️ 嗌咗兩個套餐： 1. ざくざく豆腐 2. 定番！ゆし豆腐セットざくざく豆腐唔係set嚟，所以係冇飯嘅，我哋加咗個小碗飯。明太子醬加埋紫菜，鹹鹹哋同嗰種鮮味，夾埋個清淡嘅豆腐，味道剛剛好！ゆし豆腐係未經壓實成形嘅豆腐嚟，所以佢唔會好似啲豆腐磚咁樣咁實，反而係鬆鬆軟軟又好滑溜，好似豆腐花咁。呢個ゆし豆腐嘅豆味好濃郁，而且有少少燶燶哋嘅味道，正常㗎，係ゆし豆腐嘅特質嚟，係一種煙燻焦香味。而定番！ゆし豆腐セット就更為清淡，基本上都冇咩調味，係啖口好多。但豆味香濃，熱辣辣咁用嚟送飯都好好吃呀。豆漿一樣都係超濃豆香，鐘意豆腐料理嘅人一定會鐘意呢度。呢個早餐係大滿足！題外話：google map又帶我哋抄小路入去，明明有

石垣島

石垣島美食｜八重山そば製麺所×石垣島麺処

搵到呢間八重山そば店，佢哋係自家工場製麵嚟。八重山そば係必吃之物，佢同沖繩そば嘅分別係佢幼身啲。搵豬咪咪總結下兩者嘅分別：夜晚嚟食，鋪頭唔太多人。入去食嘢嘅區域要除鞋。我哋揀咗坐bar枱，望住出面嘅景色（其實都入咗夜黑媽媽冇嘢睇）不過就見到條檐蛇仔喺出面望住我哋食飯😆 麵食落去係彈牙又好滑溜，個湯底食落有啲鹹，落啲島辣椒落去個味道層次馬上升級咗。｜八重山そば製麺所×石垣島麺処

石垣島

石垣島海鮮丼｜石垣島水産直売所

去完浮潛就諗lunch食咩好呢？個人好鐘意去搵啲當地市場睇下有咩好行同埋食，因為大多啲嘢又新鮮又好食。又係喺google map搵咗陣，就㩒到呢間石垣島水産直売所有得食海鮮丼！見人哋啲相啲魚生又新鮮又唔貴，於是就揸車去咗呢度食午餐。啲海鮮丼喺個雪櫃入面任君選擇，中トロ丼都只係1850円（佢有啲平啲，應該都係睇部位同稱重？）仲有後面有個架放咗味噌湯可以飲（不用錢）。抬頭一望仲有一張好大嘅poster介紹咗好多條魚嘅品種同名稱。沖繩嘅魚有成242種⋯⋯超多。推～又平又好吃｜石垣島水産直売所 💰2個人2個海鮮丼3100円營業時間：12:00～17:00，逢星期日休息

石垣島

石垣島居酒屋｜えいこ鮮魚店

晚餐食呢間えいこ鮮魚店。唔係十分餓所以淨係叫咗少少嘢兩個人食。個小碗本まぐろ丼已經係最後一份！啲魚真係好新鮮好好吃，島豆腐則味道濃郁，配埋海葡萄咸咸地同埋個沙律汁酸酸地，真係好開胃。個天婦羅蝦🍤蝦肉十分彈牙爽口，畀💯呢碟蝦🤣 仲有枝豆啦同埋炸蜆。店家規定每人要嗌一杯飲品，因為要揸車，所以都冇嗌生啤，叫咗個さんぴん茶。｜えいこ鮮魚店 💰2個人食咗around ￥7,000 星期日係定休日

十萬個為甚麼

浮潛/潛水完點解會覺得特別急尿？

話說浮潛完勁急薯薯，心諗咩料，明明朝早都唔係飲好多水啫。搵一搵google原來係「浸入性利尿」Immersion Diuresis。主要係因為海水比較凍，當身體浸入啲較涼嘅海水嘅時候，四肢同皮膚嘅微血管會收縮，將血液推返去心臟同軀幹，令到大腦以為你嘅身體水分過多，血壓過高而發出命令去減壓，叫個腎臟加速製造尿液。平均潛40分鐘左右就會想去廁所 🚾。呢個狀況其實你嘅身體都係脫緊水，所以上返岸一定要飲返多啲水或者電解質。見啲人話其實要識喺海度去廁所，之前玩獨木舟都已經試過喺海度去廁所，但今次浮潛都係上返船先覺得勁急🤣，所以忍到搵到廁所先有得去。之後嘅浮潛同落海玩我已經都唔客氣了⋯⋯😶

西表島

西表島｜バラス島半日浮潛🤿

成個trip第一日嘅出海浮潛搵海龜！好期待可以見到海龜，加上天氣勁熱真係好想快啲跳落大海玩水 :D 西表島其實真係好多嘢玩同睇。屬於世界自然遺產嘅西表島（Iriomote-jima）係沖繩縣八重山群島中最大嘅島嶼，亦係沖繩第二大島，僅次於沖繩本島。全島有超過90%嘅面積係亞熱帶原始森林同紅樹林覆蓋，保留咗極原始嘅大自然面貌。島上面仲有隻極度瀕危物種 - 西表山貓。我今次就無緣見到佢了，網上面見到啲相都覺得佢哋好得意。另外，西表島有好多戶外探險活動，鐘意上山下海嘅你一定要鐘意呢度 :D 不過今次嘅旅行目的係chill chill，雖然真係好想去玩獨木舟＋行山睇瀑布，但係唔想chur爆一個身心俱疲嘅另一半，所以揀咗呢個バラス島半日浮潛🤿 |【半日】在奇蹟之島與海龜共游！巴拉斯島船浮潛 💡西表島 ADVENTURE PIPI 預約網站價格：¥7,900/人 (含稅) 活動時間：2小時（未計搭船嗰啲）可以去到當地付款（現金）或者網上付款如果你係西表島住一晚第二朝再join呢個tour，應該可以慢慢地吃埋個早餐，再慢慢地去上原港集合。chill

石垣島

石垣島🍦｜ミルミル本舗本店睇日落

搵咗好一陣子睇日落秘景，諗住揸車過去啲灯台之前想要去埋ミルミル本舗食雪糕，所以喺佢收鋪之前（19:00）去到。呢日嘅日落係19:45所以時間好充足。要咗兩球，一個係島豆腐口味，另一個係シークヮーサー sorbet（沖繩香檸）。島豆腐好香濃嘅豆味，仲有個口感都好特別，係有啲好似豆腐咁樣嘅一粒粒！シークヮーサー就好清新嘅味道，甜而不膩，不過我會想食多幾杯島豆腐嘅味道😆 因為我哋到達嘅時間其實都差不多6點半，所以個太陽其實都係落緊山。我哋坐坐下發現其實鋪頭出面嘅大草地都係一個唔錯嘅睇日落地方！最後灯台就冇去啦，喺呢度靜靜咁樣望住個日落放空都咪話唔爽。大腦🧠放鬆咗。｜ミルミル本舗本店 🕐 基本上每日都係開 10:00～19:00 官方網站

沖繩

沖繩名護住宿｜New Normal Hotel in NAGO

想記錄下呢間住宿因為對我嚟講有啲驚喜。喺入住前一日有email通知成個self-serve check-in流程，去到嘅時候唔洗擔心冇位泊車因為酒店門口有好大地方同好多車位。至於間房呢⋯⋯有個廚房仔，有煮食用具同餐具，隔離有個雪櫃仔（sorry冇相⋯⋯下次去旅行真係要有返個習慣影下間房⋯⋯）又咁啱屋企大裝修，睇咗好多家電而認識咗個日本品牌叫林內，然後就見到呢間酒店入面有Rinnai 熱水爐 🤣 最令我驚喜嘅係，廁所竟然有洗衣機同乾衣機，乾衣機又係林內，想講佢乾衣真係乾得好透！💯 （hmm 又係冇影相⋯⋯ 得部洗衣機⋯⋯）只係因為我好鐘意洗衫 D: 於是好好利用咗佢哋洗咗我哋啲泳衣呀大毛巾等等。整體都算乾淨企理，下次再嚟名護都會想book返呢度 👍🏽 ｜New Normal Hotel in NAGO/ニューノーマルホテルイン名護 💡💸 around $700一晚 (booked via OTA) 📍〒905-0011　沖縄県名護市宮里949番地官方網站

石垣島

石垣島租車｜Grand Rental Car Ishigaki Okinawa グランドレンタカー石垣島店

今次揀咗啲local嘅細租車公司，一嚟租車平啲，二嚟想試下呢啲細少少嘅租車公司。不過呢間租車公司唔係喺機場，而係近搭船嘅terminal。一開始我哋只係打算租2-3日，但後尾先決定租哂6日。所以落機之後就搭巴士出石垣島市區，去咗酒店放低行李之後先再去拎車。啲車都算新淨，店主好友善哦！不過因為之前有多次嘅改動所以中間可能有嘢miss咗，我哋揀咗喺terminal等候接送，但店主以為我哋自己前往，聯絡後店主好快就揸車嚟搵我哋了！感謝🙏 第一次揸呢啲K-car 感覺新鮮，有啲唔太習慣呢款車嘅睇位，但揸揸下都還好。但有一日發現好似愈嚟愈多蟻嘅出現，有啲擔心架車係咪有個蟻巢喺度。問咗豬咪咪其實有可能係因為颱風關係啲蟻為咗搵個安全嘅地方，而咁啱架車泊咗喺佢哋個巢度，所以入咗架車住。聯絡咗店主之後佢哋都話應該係因為颱風關係，可以同我哋換部車。我哋都去咗MaxValu買咗啲蟻藥滅咗部份蟻先。第二日朝早就去咗換車。我哋去到個車場都明白點解會有蟻 - 因為泊車嘅地方係喺正啲草皮上面 🤣 最後一日還車時間預咗19:30，店主已經收咗工，所以叫我哋泊喺店舖嘅門口同放返條鎖匙落個postbox度

石垣島

石垣島居酒屋｜炭火焼屋台膠

即係咁，我向來都對食冇乜好大要求，一個lawson 七仔嘅鹽味飯團都已經可以滿足到我嘅食飽需求 🤣 之但係同重要嘅同行人士旅行就梗係唔可以待薄佢啦，陣間啲嘢唔啱食又餓親佢就大檸樂了。我比較鐘意係Google Map亂咁㩒啲餐廳嚟睇有咩好食，出發前做計劃嘅時候咁啱見到呢間。本來都不以為意，認為都係一間居酒屋吧，但去到嘅時候真係令人驚喜啊。首先個門口已經好難搵，佢冇招牌冇任何hints話你知呢間就係你要搵嘅居酒屋。就咁行過只會認為佢係一道唔開得嘅裝飾門嚟 🤣 鋪頭細細，坐位不太多，都係圍住大廚嘅廚房bar枱嚟。鋪頭環境較為暗，未日落都還好都仲有啲太陽光，但一入夜就暗咗好多，都幾有氣氛！坐低後會問你飲咩，每人要嗌一杯，然後大廚會畀個月光寶盒你（超有年代感），入面係hidden menu嚟。呢個presentation方式真係好得意😆。啲嘢食十分之好吃，所有食物都燒得好有火喉仲好鮮味，仲嗌咗個豬肝炒芽菜，超好吃！臨走前去個洗手間，餐廳內有個同前門差唔多樣但要細少少嘅門口就係通往洗手間嘅入口。一打開個門以為自己去咗咩熱帶🌴樹林地方，搵咗陣先搵到個廁所原來喺啲樹堆入面！（

石垣島

石垣島｜竹富島一日遊：交通、悠閒徒步散策

嚟石垣島就一定會出島！首先去竹富島遊覧。因為去竹富島嘅班次比起去其他島嶼較為頻密，大約30～60分鐘就有船由石垣島出發（兩間船公司啲時間係相隔大約30分鐘），所以都冇特別係出發前book定船飛，當日出發先喺terminal售票處購買。｜前往竹富島嘅交通 ⛴️乘船地點：石垣港離島航運中心（ユーグレナ石垣港離島ターミナル）航程時間：高速船約10～15分鐘營運船公司：主要係安栄観光（Anei Kankou）或八重山観光フェリー（Yaeyama Kankou Ferry）船票價格：來回船飛大人 ¥1,880 細路 ¥990 (as of 9 Aug 2026) 📍ユーグレナ石垣港離島ターミナル落到地就去咗竹富島ゆがふ館(竹富島ビジターセンター)行咗陣，發現原來呢度有得吸日本の国立公園乃印！呢度吸嘅印係西表石垣国立公園。之前已經吸過1-2個，要喺2027年3月31日前拎哂咁多個印真係有啲難呢⋯⋯沖繩其實可以拎到三個，一個係西表石垣国立公園，另一個係慶良間諸島国立公園（不過冇去到座間味同渡嘉敷，

沖繩

沖繩 Okinawa 2026｜16天chill chill沖繩之旅

辭職後第一次放自己咁長假期，喺日本留多過兩星期都好似係第一次。舊年原本係買咗飛去石垣島，但後來取消咗。不過我認為今年去嘅話個心情應該會比上年去嘅更放鬆同享受 😎 16日話多不多話少又唔少，因為都去咗石垣島＋宮古島＋沖繩本島，唔夠喉就實嘅！今次係第一次探索石垣島同宮古島，而沖繩本島就第二次去，好多地方都未去！要再嚟！簡單介紹一下今次嘅行程安排。今次係以chill chill為主，唔趕行程。亦因為出發前遇上颱風巴威，都咪話唔擔心個旅行會唔會要改期，好彩最後都係順順利利，感恩！🥳 ｜行程簡介 Day 1 * UO858 07:40 * 🚗 グランドレンタカー石垣島店 - 拎車 * 石垣市公設市場 * ユーグレナモール * 🍼 炭火焼屋台膠 Day 2 * 🏝️ 竹富島、星砂浜 * 🍼 ミルミル本舗本店食雪糕＋睇日落 * 🍼 えいこ鮮魚店 Day 3 * 🏝️ 西表島バラス島半日遊 * 🍼 石垣島水産直売所 * 🍼 八重山そば製麺所×石垣島麺処