德島鳴門漩渦喺世界三大潮流之一。咁有邊三大潮流呢？ 1. 鳴門海峽的潮流 2. 意大利的墨西拿海峽 3. 加拿大的西摩海峽 鳴門海峽大潮嗰陣流速最快可達到時速 20 公里，亦係日本流速最快嘅潮流。呢個漩渦好似唔睇唔得🤣 安排行程嗰陣都諗緊應該點好。因為本身係諗住去到德島就還車，然後搭JR返高松。但係睇睇下搭車去鳴門都唔係易事，加埋帶住兩老，都係揸車去鳴門，然後再返高松還車方便啲，所以就自駕去鳴門住返晚！ 本來係諗住返高松嘅朝早去睇完漩渦先，所以冇打算搭船近距離睇漩渦（驚暈船浪又要揸車就好麻煩）。點知喺返高松前一日嘅活動時間比預計有鬆動之餘又早咗，再睇埋個大潮時間，哇，啱啱好揸到過鳴門就係大潮時間呀！第二日都冇咁好呀！於是就將個行程再調，嘭嘭聲飛奔去鳴門趕喺大潮時間睇最厲害嘅漩渦！ 🌟 推薦度：★★★★★ ⌛ 是次停留時間：大約 1 小時 🚗 交通：自駕，於鳴門公園駐車場泊車，步行約 5 分鐘即達渦之道入口 🅿️ 泊車：JPY 500 全日，鳴門公園駐車場1/2/3（視乎當時情況會有工作人員指示）
四國寒霞溪係睇紅葉 no.1 嘅地方，不過嚟嘅時候仲係青葉哈哈。之但係由山頂望返落去瀨戶內海，廣闊嘅視野真係令人心情舒暢，頭腦都舒服咗好多。相信秋天睇紅葉嘅季節一定逼爆人🙂↔️ 💡四國紅葉情報 https://koyo.walkerplus.com/list/ar0900/ ｜交通 自駕 泊車 🚗 到達小豆島之後第一個景點就係嚟呢度睇景。喺ORIX拎咗車之後就揸到嚟紅雲亭停車場，打算由山腳搭纜車上去山頂。 🅿️ 停車場 - 寒霞渓ロープウェイ紅雲亭駅 泊好車之後可以喺呢度上去車站買飛，搭纜車上去寒霞溪山頂。⛰️ 唯一能「同時眺望天空、大海與溪谷」的纜車。呢個時間竟然冇人上嚟（其實更多嘅人係直接上咗山頂，旅行團呀嗰啲會選擇山頂搭返落嚟睇海陸空嘅景），所以我哋一家包咗架纜車🚡。 ｜寒霞溪歷史小故事 📜 寒霞溪同大分縣耶馬溪、群馬縣妙義山並列為「日本三大溪谷美景」，亦係日本最早被指定嘅國立公園（瀨戶內海國立公園）核心地帶。成個溪谷係大約 1,300 萬年前火山爆發之後，歷經風雨、地殼變動長年侵蝕雕琢出嚟嘅天然奇觀。 不過「寒霞溪」喺古代唔係咁叫㗎。
四萬十川係「日本最後的清流」，都真係幾好奇點解得佢會有咁嘅美譽。日本都有好多條清澈嘅河川呀？亦有好多人話去得四國真係要去埋呢度睇，所以想一探究竟！ ｜四萬十川與「沉下橋」嘅歷史小故事 📜 原來早喺日本經濟高速成長時期，全國絕大部分主要河川都起咗大型水壩作水力發電或者蓄水，唯獨全長 196 公里嘅四萬十川本流，一條大型綜合水壩都冇起過🙂↔️ 因此佢完好保留咗最原始嘅河川生態。而四萬十川最具標誌性嘅，一定係橫跨河面嘅「沉下橋」。呢啲低矮結實嘅橋係水位上漲嘅時便會沉入水中，並無欄杆設計，令到水入面嘅流木等等雜物可以直接流過，而唔會被橋樑卡住。呢種橋體結構唔會阻礙水流，因此能夠減少河水對兩岸嘅侵蝕，亦令到橋樑唔容易被洪水沖垮。 古人嘅智慧確實令人震驚，佢哋好識順應自然，搵出最合適嘅方法對抗大自然為生活帶嚟嘅災害及確保生命財產安全。雖然而家科技發達，但似乎人類對抗大自然嘅方式愈嚟愈硬碰硬⋯⋯淨係近幾排睇到好多天災嘅新聞都真係令人心酸。 帶住兩老梗係想搵啲舒舒服服、零體力消耗嘅方式飽覽四萬十川嘅絕景，坐屋形船會係一個好嘅選擇呀。係Activity Japan做咗預約（無包餐飲的～）
嚟到呢個丸金醬油紀念館，被佢吸引嘅係佢嘅醬油口味雪糕🍦。泊好車一落車嗰一下已經聞到勁香嘅醬油味，然而嗰種醬油味係有啲發酵嘅酒味同勁香豆味。兩老煮開飯已經覺得呢度嘅鼓油應該都係不得了所以就馬上行咗入去個商店睇😂 多款醬油任君選擇，可以試勻哂啲醬油揀啱自己喜歡的再購買！我見呀媽見到呢啲醬油真係雙眼發光覺得幾好笑，大概係喜歡煮嘢食嘅人會有嘅反應？但我都畀呢度嘅豉油吸引咗，因為啲香味同香港嘅豉油有好大分別。嗰隻酒香味暫時嚟講未試過喺第二度聞到過。試哂咁多種之後最尾揀咗3號，買咗支返屋企！呀媽仲話想買多幾支但係⋯⋯個喼點裝啊勁重⋯⋯ 今次嚟嘅目標🎯其實係個雪糕⋯⋯醬油口味啊未試過！買咗三個雪糕一人一個再加啲醬油，奶味濃厚之餘又甜甜鹹鹹咁，真係幾好食。 擺放喺門口的醬油桶畀大家拍照。 今次冇入到館參觀因為時間都有啲晏，但係去咗隔離有個免費入場嘅見学地方睇啲醬油其實係點整，不過入到幾就見到好多超巨型嘅桶生產緊醬油，而另一邊都有介紹返啲醬油係點製造出來的。呢個area唔畀影相有啲可惜呢。 搵返少少關於呢個醬油廠嘅歷史 - ｜百年醬油之鄉（登錄有形文化財） 小豆島嘅醬油釀造歷史可以
連島沙洲喺香港都有，最出名橋咀洲啦，馬屎洲啦，之但係其實長洲都係連島沙洲地形景觀。連島沙洲係海岸沉積地貌，原本係兩個小島，又有形成咗個沙咀，經過千萬年日積月累，沙咀不斷延長並最終連接咗兩個島仔。會因應漲退潮變化，連島沙洲通常喺退潮嗰陣先會露出水面，形成一條可行走嘅海上步道。四國小豆島呢個天使之路都係連島沙洲地貌，所以出發前查咗個潮汐漲退表，安排咗下午時間嚟呢度睇睇。 搵下資料先知原來tombolo亦叫做天使之路，仲以為只係小豆島呢邊咁叫😂（孤陋寡聞） 🌟 推薦度：★★★★★ ⏱ 是次停留時間：大約 1 小時 🚗 交通：由於我哋住天空ホテル海廬，去酒店放低啲嘢之後都冇特別揸架車落去（上網見話停車場唔洗錢，但係嗰日去見到個個位都係要收錢），行落去都係10多分鐘左右。 ｜エンジェルロード 天使之路 出發前排行程都上網睇咗潮汐漲退表再安排時間。我哋下午3點半左右由酒店天空ホテル海廬出發，去到天使之路入口大約係3點45分。啱啱好落入潮退嘅時間～所以可以行過天使之路去對面嘅小島。 但係記得，有潮退就會有潮漲⋯⋯ 💡要睇住鐘數 唔好咁遲先行返埋岸！！！ 點解？👇🏽呢個
屋企換洗衣機（其實係任何電器）最怕就係買貴咗但又唔好用，都唔太想交智商稅 😂 尤其香港屋企空間有限，想搵部窄身慳位、容量夠大、轉數又要高（呀媽話洗厚身衣物尤其牛仔褲嗰啲轉數高先揈得乾啲唔會噏住呀）仲要洗得乾淨嘅上置式洗衣機（頂揭式洗衣機），話易唔易話難唔難⋯⋯上置式洗衣機其實個款來來去去都係咁，standard size（闊 400mm），主要都係睇佢洗衫得唔得⋯⋯所以今次大裝修完要買返啲電器嘅時候真係做咗好多功課。 今次揀咗呢部 樂信 Rasonic RW-A813ST（8公斤 1300轉變頻上置式洗衣機），都係睇咗勁多reviews先揀佢，喺友和買三千幾蚊包安裝，安裝師傅好細心咁幫我哋較到一個最合適嘅放置位置！部機係擺廁所，所以空間有限，仲要就返個水喉位，呢部洗衣機仔真係啱啱好咋。用咗一段時間之後真心大讚，性價比高，洗完啲衫唔單止超乾淨，連平時用開嘅柔順劑都終於發揮到佢應有嘅真正功效。可能係之前部洗衣機都真係歷史悠久（仲洗爛咗我件雪褸⋯⋯）😅 * ⭐️ 推薦度：★★★★★ * 🎯 適合對象：空間有限需要窄身機嘅家庭、追求高性價比、對洗衫潔淨度與衣物柔順留香有要求嘅朋友
行完金刀比羅宮，下一站順路又舒服嘅安排，一定係搭琴電去栗林公園！雖然可以揀丸龜城，但係今次人在高松嘅時候不多，所以放棄咗丸龜城，走咗去栗林公園先。呢度號稱「一步一景」，仲攞過米芝蓮三星評價。公園地方闊落，平路超好行，而且啲松樹修剪得極之精緻。晏晝同兩老嚟散步放慢腳步啱啱好呀。 🌟 推薦度：★★★★★ 🕐 是次停留時間：大約 1.5 - 2 小時 🚗 交通安排：琴電琴平線 琴電琴平站 直達 栗林公園站，落車步行約 8–10 分鐘 ｜交通 喺金刀比羅宮落山後，喺琴電琴平站搭琴電琴平線，大約60分鐘就抵達栗林公園站。 * 🚏 乘車路線：琴電琴平線（往高松築港方向）➔ 栗林公園站 落車 * 🕐 車程：大約 60 分鐘 * 💰 收費：單程車費每位大人 760 日圓 大約晏晝2點幾3點入園，超多人，好多都係日本當地上咗年紀嘅公公婆婆旅行團。
因為搵到隻衣魚係琴室，有啲擔心其實會唔會仲有其他呢？即日已經將啲琴書逐一檢查但好彩冇任何發現，亦馬上將個琴室清潔一次以求安心。 但諗諗下都係為咗長遠唔太擔憂，上網搵下究竟可以點樣處理防蟲呢個問題（唔想我個鋼琴寶寶有咩事！！！）雪松木有天然嘅驅蟲效果，馬上買咗幾舊雪松木返嚟，再加埋iHerb入手咗兩支雪松精油加強效果。另外豬咪咪竟然推薦食用矽藻土，用支小掃子喺個地毯邊掃少少落去防蟲。究竟係咩原理？ ｜食用級矽藻土（DE粉）殺蟲原理：真的完全無害嗎？ 💡食用級矽藻土（Diatomaceous Earth，簡稱 DE 粉）的殺蟲原理完全是物理性的機械磨蝕與吸附作用，不含有任何化學毒藥。簡單來說，它是透過讓害蟲「割傷外殼並吸乾水分」而脫水死亡。 Source: 好爸爸專家 原來係咁⋯⋯ 唔怪得見threads 都有人話如果屋企有種嘢嘅話可以用呢個食用矽藻土除蟲，亦唔怕寵物會受傷害。雖然食用級無化學毒性，但因為粉末好幼細，掃地毯邊時要避免揚起粉塵，亦唔好畀寵物即刻行埋去聞或吸入呼吸道。 ｜琴室防衣魚的最佳對策：雪松木與 50-55% 濕度控制 本身諗住喺iHerb度買包返嚟試
今次嚟呢度主要係想吸印仔！出年三月就完結活動嘅日本の国立公園乃印，我都只係收集咗幾個咋。有啲國立公園之前有去過但係就當時未有印章可以儲。今次嚟四國地區就當然睇下邊度有印仔可以吸啦！四國有三個地方可以拎到印仔： 但基於今次行程我只能夠去到足摺宇和海国立公園，最南部地方。 呢個遊客中心其實勁多海洋生物同周邊嘅地質資訊睇，但唔留多啲時間嘅話根本冇可能睇得哂啲展品。 出面仲有條路可以行落桜浜海灘🏖️。 行到去近counter 嗰邊發現有超多海洋生物嘅印仔可以吸，即刻拎咗本schedule book出嚟吸吸吸XD 職員見到我係度玩勁耐佢送咗張postcard 畀我，可以吸啲你鐘意嘅印仔、寫日期，仲有一個簡短嘅message。 仲有唔少得嘅就係嚟呢個center最主要嘅原因！ 嘿嘿，都唔係得我嚟呢度搵呢個印仔㗎，都有一個日本本地遊客嚟搵呢個印仔！ 下次有機會再嚟真係會花至少半日時間留喺度睇個展館入面好豐富嘅海岸地質資訊！ ｜竜串ビジターセンターうみのわ Tatsukushi Visitor Center * 🕐 開放時間：星期一至日 09:00～17:00 （星期二定休日
四國香川必去朝聖地標！除咗去觀賞金刀比羅宮之外，仲想買返個金刀比羅狗幸福御守！想由個底開始行樓梯上去㗎，不過同屋企人嚟就唔行哂咁多級啦⋯⋯😆 同埋行到去御本宮就冇再行上去奧社。下次有機會真係要由個底行到上去奧社挑戰 1368級樓梯！ 🌟 推薦度：★★★★★ ⏱️ 是次停留時間：大約2.5小時 🚗 交通：JR琴平站前搭的士上到大門駅，再行上去御本宮 ｜交通 朝早喺JR高松站搭去JR琴平站，由於帶住兩老，所以揀咗喺JR琴平站再轉KOTOBUS上到大門駅先再喺大門行到御本宮。 💡如果一家大細又有老又有嫩嘅，可以喺呢度搭KOTOBUS上到大門，行少365級！ 一出JR琴平站就會見到呢個乘車位置同告示板。 💰 收費：JPY 1,000 一個人 出發前做功課見到啲車好似係黃色，但係似乎的士都係有同樣嘅服務，收費亦都一樣係 JPY 1,000 一個人。 搭的士途中司機叔叔都好熱心咁講解下金刀比羅宮啲級數啦，周邊有啲咩睇呀，啲橋係畀神用嘅唔係畀人用啦等等。亦畀咗幾張地圖我哋，介紹呢個區域同行走路線。問咗佢我落返去係咪唔洗搭車都得，佢預我哋2個幾鐘都應該行完㗎啦，到時唔洗再cal
十月頭呢啲時間去四國想book酒店book啲近JR嘅唔係易事⋯⋯除非真係好早就買咗機票有得選擇下。一個月前先諗住帶兩老去四國玩所以睇中咗嘅酒店都已經賣哂房！喺呢個情況底下，唯有住遠少少🤏。搵到呢間高松世紀酒店，地理位置都還算不錯。同父母出遊最緊要唔好辛苦到佢哋，而且我都好懶唔想諗咁多餐食咩好（對食真係冇咩要求⋯⋯）於是酒店包早餐就一定要有！ * ⭐️ 性價比：★★★★☆ * 🎯 適合咩人：帶父母/家庭出遊、需要性價比高嘅朋友 * ⚠️ 注意事項：建築設備略有歲月痕跡，但清潔度滿分 * 💰 參考房價：三人房每晚約 JPY 23,000（～HKD 1150）包早餐🥣 ｜地理位置📍 唔算近JR站，由高松JR行過去酒店都要10分鐘左右，拖埋啲大喼行加埋帶埋兩老可能要多少少時間。但係出入都係大路方便易行的。 ｜早餐🍳 日式商務酒店嘅早餐款式，好似啲Hotel Route-Inn咁。特別之處都冇咩⋯⋯XD，高松係烏冬縣㗎嘛所以有得畀你整烏冬食！ ｜房間🛏️ 3個人以日本嘅酒店嚟講，呢度算大了，放三張單人床都仲有大空間可以放到兩個大喼，仲可以攤開。浴室乾淨整
一架利木津巴士直到JR高松站，車程約45分鐘，快靚正。巴士開車時間仲會因應航班landing時間嚟到做小調整，真係好貼心！ 一出嚟就會見到個bus ticket machine，可以喺呢度買飛。當日落地後好快就入咗境（個機場比較小哦），拎咗行李之後就極快速出到嚟呢個位置。原本都諗會唔會趕唔切班車呢，結果係OK的！購票過程都係方便快捷，如果太多大紙想唱散喺呢部機買飛順手唱散都係好選擇！ 💡機場巴士時間表 Takamatsu Airport Limousine Bus 呢度嘅PDF仲好貼心咁提醒你嘅航班可以搭到邊班車出市，又或者你應該要搭邊班車返回機場搭飛機 直出機場門口就係搭車嘅地方，高松市内方面（2番のりば）2號乘車處。 💡可以參考呢度睇有咩落車點方便你 TAKAMATSU AIRPORT バスのご案内💡價錢：大人 JPY 1,300 小朋友 JPY 650 （一程） 車程：高松機場到JR高松站 約45分鐘 架車來了～ 到高松駅落車後行多兩步就見到呢個海水池 回程則喺高松站嘅巴士總站3號乘車處等車（高松駅 ３番のりば）。返香港利木津巴士官方建議搭 11: