沖繩 Okinawa 2026|16天chill chill沖繩之旅

Share

辭職後第一次放自己咁長假期,喺日本留多過兩星期都好似係第一次。舊年原本係買咗飛去石垣島,但後來取消咗。不過我認為今年去嘅話個心情應該會比上年去嘅更放鬆同享受 😎

16日話多不多話少又唔少,因為都去咗石垣島+宮古島+沖繩本島,唔夠喉就實嘅!今次係第一次探索石垣島同宮古島,而沖繩本島就第二次去,好多地方都未去!要再嚟!簡單介紹一下今次嘅行程安排。今次係以chill chill為主,唔趕行程。亦因為出發前遇上颱風巴威,都咪話唔擔心個旅行會唔會要改期,好彩最後都係順順利利,感恩!🥳

|行程簡介

Day 1 

Day 2

Day 3

Day 4 

Day 5

Day 6 

Day 7

  • 0830 機去宮古島
  • 17END 睇飛機降落
  • 下地島機場參觀 (我哋飛宮古空港)
  • 🍼 Blue Turtle 

Day 8

  • 日出SUP+浮潛🤿 
  • 与那覇前浜
  • シギラ黄金温泉♨️

Day 9

  • 東平安名崎日出
  • 砂山ビーチ
  • 🍼 すむばり食堂

Day 10 

  • シギラ搵海龜
  • 島の駅 市場
  • 1430 機去沖繩

Day 11 

  • 慶良間群島國立公園 浮潛🤿

Day 12 

  • 青洞浮潛🤿
  • montbell! 
  • 🍼 串焼きダイニング ウグイス

Day 13 

  • 古宇利島
  • 🍼 しらさ食堂
  • 🍼 Kouri Shrimp 古宇利蝦蝦飯

Day 14 

  • 瀬底ビーチ
  • 沖縄美ら海水族館
  • 🍼 あぐーしゃぶしゃぶと言えば‼ ちゃぁぶ~名護店

Day 15

  • 🍼 えびす豆腐料理店
  • 万座毛
  • 残波岬灯台

Day 16 

  • 🍼 福助の玉子焼き 市場本通り店
  • 首里城
  • 🍼 首里とうふ
  • 波上宮
  • Bye 沖繩

至於住宿安排,石垣島就揀間近terminal 方便搭船,宮古島今次則預算有限,冇揀啲好靚嘅resort 住,都係啲budget hotels,沖繩本島就那霸市中心區或同名護都有住過。

|酒店安排

@石垣島

  • Hotel Emerald Isle Ishigakijima

@宮古島

  • HOTEL R9 The Yard 
  • Hotel Locus

@沖繩 市中心

  • Comfort Inn Naha Tomari Port
  • Hotel Art Stay Naha Kokusai Street

@沖繩 名護

|有用嘅資訊網站

💡
Ishigaki Island Tours
👉🏻 好多石垣島嘅資訊,包括如果遇到颱風應該點做
Ishigaki Adventure PIPI
👉🏻 有啲tours都係經呢度book 
Miyako Adventure PIPI
👉🏻 好多tours可以揀,可以網上付款或去到當地先畀都得
Iriomote Adventure PIPI
👉🏻 可以book西表島嘅tours 

詳情就一篇一篇慢慢寫緊 :D

Read more

四國 德島|大鳴門橋遊歩道 渦の道

德島鳴門漩渦喺世界三大潮流之一。咁有邊三大潮流呢? 1. 鳴門海峽的潮流 2. 意大利的墨西拿海峽 3. 加拿大的西摩海峽 鳴門海峽大潮嗰陣流速最快可達到時速 20 公里,亦係日本流速最快嘅潮流。呢個漩渦好似唔睇唔得🤣 安排行程嗰陣都諗緊應該點好。因為本身係諗住去到德島就還車,然後搭JR返高松。但係睇睇下搭車去鳴門都唔係易事,加埋帶住兩老,都係揸車去鳴門,然後再返高松還車方便啲,所以就自駕去鳴門住返晚! 本來係諗住返高松嘅朝早去睇完漩渦先,所以冇打算搭船近距離睇漩渦(驚暈船浪又要揸車就好麻煩)。點知喺返高松前一日嘅活動時間比預計有鬆動之餘又早咗,再睇埋個大潮時間,哇,啱啱好揸到過鳴門就係大潮時間呀!第二日都冇咁好呀!於是就將個行程再調,嘭嘭聲飛奔去鳴門趕喺大潮時間睇最厲害嘅漩渦! 🌟 推薦度:★★★★★ ⌛ 是次停留時間:大約 1 小時 🚗 交通:自駕,於鳴門公園駐車場泊車,步行約 5 分鐘即達渦之道入口 🅿️ 泊車:JPY 500 全日,鳴門公園駐車場1/2/3(視乎當時情況會有工作人員指示)

By 霸豬

四國 小豆島|寒霞溪

四國寒霞溪係睇紅葉 no.1 嘅地方,不過嚟嘅時候仲係青葉哈哈。之但係由山頂望返落去瀨戶內海,廣闊嘅視野真係令人心情舒暢,頭腦都舒服咗好多。相信秋天睇紅葉嘅季節一定逼爆人🙂‍↔️ 💡四國紅葉情報 https://koyo.walkerplus.com/list/ar0900/ |交通 自駕 泊車 🚗 到達小豆島之後第一個景點就係嚟呢度睇景。喺ORIX拎咗車之後就揸到嚟紅雲亭停車場,打算由山腳搭纜車上去山頂。 🅿️ 停車場 - 寒霞渓ロープウェイ紅雲亭駅 泊好車之後可以喺呢度上去車站買飛,搭纜車上去寒霞溪山頂。⛰️ 唯一能「同時眺望天空、大海與溪谷」的纜車。呢個時間竟然冇人上嚟(其實更多嘅人係直接上咗山頂,旅行團呀嗰啲會選擇山頂搭返落嚟睇海陸空嘅景),所以我哋一家包咗架纜車🚡。 |寒霞溪歷史小故事 📜 寒霞溪同大分縣耶馬溪、群馬縣妙義山並列為「日本三大溪谷美景」,亦係日本最早被指定嘅國立公園(瀨戶內海國立公園)核心地帶。成個溪谷係大約 1,300 萬年前火山爆發之後,歷經風雨、地殼變動長年侵蝕雕琢出嚟嘅天然奇觀。 不過「寒霞溪」喺古代唔係咁叫㗎。

By 霸豬

四國 高知|屋形船 四万十の碧

四萬十川係「日本最後的清流」,都真係幾好奇點解得佢會有咁嘅美譽。日本都有好多條清澈嘅河川呀?亦有好多人話去得四國真係要去埋呢度睇,所以想一探究竟! |四萬十川與「沉下橋」嘅歷史小故事 📜 原來早喺日本經濟高速成長時期,全國絕大部分主要河川都起咗大型水壩作水力發電或者蓄水,唯獨全長 196 公里嘅四萬十川本流,一條大型綜合水壩都冇起過🙂‍↔️ 因此佢完好保留咗最原始嘅河川生態。而四萬十川最具標誌性嘅,一定係橫跨河面嘅「沉下橋」。呢啲低矮結實嘅橋係水位上漲嘅時便會沉入水中,並無欄杆設計,令到水入面嘅流木等等雜物可以直接流過,而唔會被橋樑卡住。呢種橋體結構唔會阻礙水流,因此能夠減少河水對兩岸嘅侵蝕,亦令到橋樑唔容易被洪水沖垮。 古人嘅智慧確實令人震驚,佢哋好識順應自然,搵出最合適嘅方法對抗大自然為生活帶嚟嘅災害及確保生命財產安全。雖然而家科技發達,但似乎人類對抗大自然嘅方式愈嚟愈硬碰硬⋯⋯淨係近幾排睇到好多天災嘅新聞都真係令人心酸。 帶住兩老梗係想搵啲舒舒服服、零體力消耗嘅方式飽覽四萬十川嘅絕景,坐屋形船會係一個好嘅選擇呀。係Activity Japan做咗預約(無包餐飲的~)

By 霸豬

四國 小豆島|マルキン醤油記念館 丸金醬油紀念館

嚟到呢個丸金醬油紀念館,被佢吸引嘅係佢嘅醬油口味雪糕🍦。泊好車一落車嗰一下已經聞到勁香嘅醬油味,然而嗰種醬油味係有啲發酵嘅酒味同勁香豆味。兩老煮開飯已經覺得呢度嘅鼓油應該都係不得了所以就馬上行咗入去個商店睇😂 多款醬油任君選擇,可以試勻哂啲醬油揀啱自己喜歡的再購買!我見呀媽見到呢啲醬油真係雙眼發光覺得幾好笑,大概係喜歡煮嘢食嘅人會有嘅反應?但我都畀呢度嘅豉油吸引咗,因為啲香味同香港嘅豉油有好大分別。嗰隻酒香味暫時嚟講未試過喺第二度聞到過。試哂咁多種之後最尾揀咗3號,買咗支返屋企!呀媽仲話想買多幾支但係⋯⋯個喼點裝啊勁重⋯⋯ 今次嚟嘅目標🎯其實係個雪糕⋯⋯醬油口味啊未試過!買咗三個雪糕一人一個再加啲醬油,奶味濃厚之餘又甜甜鹹鹹咁,真係幾好食。 擺放喺門口的醬油桶畀大家拍照。 今次冇入到館參觀因為時間都有啲晏,但係去咗隔離有個免費入場嘅見学地方睇啲醬油其實係點整,不過入到幾就見到好多超巨型嘅桶生產緊醬油,而另一邊都有介紹返啲醬油係點製造出來的。呢個area唔畀影相有啲可惜呢。 搵返少少關於呢個醬油廠嘅歷史 - |百年醬油之鄉(登錄有形文化財) 小豆島嘅醬油釀造歷史可以

By 霸豬